ကျွန်တော်က အလေး အနက် တွေးတော ရတဲ့ အလုပ်တွေ ဘာတွေ လုပ်လေ့လုပ်ထ မရှိဘူး။ မိုးလင်းမိုးချုပ် ပိုက်ဆံ ရှာဖို့ပဲ စိတ်ရောက်နေတော့ တွေးချိန်လည်း မရဘူးလေ။

နောက်ပြီး ကံကောင်း ထောက်မလို့ ဂျပန်ကို ရောက်လာ တာဟာ ငွေပင် ကြီးအောက် ရောက်လာတာ ဖြစ်လို့ အချိန်ရှိ သရွေ့၊ ခွန်အား ရှိသရွေ့ ငွေသီးခူး ရမယ်လို့ပဲ အများ နည်းတူ နားလည် ထားခဲ့တယ်။
၂၀၀၀ ပြည့်နှစ် လွန်ကာလ ဆိုတော့ ဂျပန်မှာ လူဝင်မှု ဥပဒေက လည်း သိပ်တင်းကျပ်တဲ့ အချိန် မဟုတ် သေးလို့၊ တစ်နည်း အားဖြင့် ပြောရရင် အိုဗာစတေး တွေကို ပိုက်စိပ်တိုက် မဖမ်းသေးတဲ့ အချိန် ဖြစ်လို့ ငွေရှာလို့လည်း အဟုတ်ကောင်း ခဲ့တယ်ပေါ့။
အဲ တစ်ခါမှာတော့ ကိုယ်တွေ့ ဖြစ်ရပ်လေး တစ်ခု ကြောင့်လို့ပဲ ပြောပါတော့၊

ကျွန်တော် အရင်က လုံးဝ မတွေးတော ခဲ့ဖူးတဲ့၊ တစ်ခါမှ မစဉ်းစား ဖူးခဲ့တဲ့၊ ငွေရှာ တာနဲ့လည်း မပတ်သက်တဲ့ ကိစ္စလေး တစ်ခုကို စေ့စေ့ငုငု တွေးမိ လိုက်ပြီး အမှုမဲ့ အမှတ်မဲ့ ဖြစ်နေတဲ့ အသိလေး တစ်ခုကို ရရှိ သွားဖူးတယ်။
အဲဒီ အကြောင်းလေးကို ကျွန်တော် ပြောပြ ပါရစေ။

ကျွန်တော် အလုပ်လုပ်တဲ့ ထမင်းဘူး စက်ရုံက တိုကျိုမြို့ အစွန်ဘက် ကျကျ နယ်မြို့လေး တစ်မြို့ရဲ့ ဆိတ်ငြိမ် ရပ်ကွက်ထဲမှာ တည်ရှိပါတယ်။ အဲဒီတော့ ကျွန်တော်တို့ မြန်မာ အလုပ် သမားများ နေဖို့ သူဌေး ငှား ပေးတဲ့ အိမ်ကလည်း ဆိတ်ငြိမ် ရပ်ကွက်ထဲ မှာပဲပေါ့။

ကျွန်တော်က တိုကျို မြို့ထဲမှာ နေတဲ့ သူငယ်ချင်း တွေကို အမြဲ ကြွားလေ့ရှိ တယ်။ “တို့က ၀င်ဒါ မီယာ ထဲမှာ နေတာ”လို့။ ဟုတ် တယ်။ ရပ်ကွက်လေးက တကယ့် ၀င်ဒါမီယာ ပါပဲ။ တစ်ရပ်ကွက် လုံး ခြံနဲ့ ၀င်းနဲ့ ပန်းပင် လှလှ၊ သစ်ပင် လှလှ လေးတွေနဲ့ အလှဆင် ထားတဲ့ တစ်ထပ်တိုက်၊ နှစ်ထပ် တိုက်၊ ချစ်စရာ လုံးချင်း တိုက်လေးတွေ ချည်းပါပဲ။ အထပ်မြင့်တိုက် လုံးဝမရှိ ဘူး။ နေ့နေ့ ညည လူသွား လူလာ နည်းပြီး အမြဲတိတ် တိတ်ဆိတ်ဆိတ် ရှိနေတတ် တယ်။

ဒီရပ်ကွက်ထဲမှာ ဆိတ် ငြိမ်မှုကို ဖျက်ဆီးနေတာက ကျွန်တော်တို့စက်ရုံက ထွက် တဲ့အသံဗလံတချို့နဲ့ ဒီရပ် ကွက်ရဲ့အလှကို ဖျက်ဆီးနေ တာက ကျွန်တော်တို့ မြန်မာ လေးယောက်နေတဲ့ အိမ်အို တစ်လုံးပဲ ဖြစ်ပါတယ်။

ကျွန်တော်တို့ နေတဲ့ အိမ် က သက်တမ်းကုန် လုလုဖြစ် ပြီး ဟောင်းလည်း ဟောင်း နေပါပြီ။ ဆေးသစ်လည်း ပြန်မသုတ်တော့ အရောင်က ခပ်မွဲမွဲပေါ့။ ရှပ်တာ တံခါး တွေက အံမကျ တော့တဲ့ အတွက် လေပြင်းပြင်းတိုက် ရင် တဂျမ်းဂျမ်း မြည်နေတတ် ပါတယ်။

အိမ်ပတ်ပတ် လည်မှာ တော့ မြေပိုတွေ ရှိပါတယ်။ အိမ်ပုံစံက တစ်ထပ် ခွဲတိုက် ပုံစံမျိုး။ အောက်ထပ်က နှစ် အိမ်ထောင်စာ၊ အပေါ်ထပ်က တစ်အိမ် ထောင်စာ။ အပေါ် ထပ်မှာတော့ လူမရှိ ပါဘူး။ အိမ်ရှင်က အိမ်သစ်မှာ နေပြီး သူတို့ ပစ္စည်း တချို့ကို အဲဒီ အခန်းမှာ ဂိုဒေါင် သဘောမျိုး လာထားတယ်လို့ သိရတယ်။ အောက်ထပ်မှာတော့ ဘယ်ဘက် အခြမ်းက မမိုးနဲ့ မစိုးတို့ ညီအစ်မ နှစ်ယောက် နေပြီး ညာဘက်ခြမ်း မှာတော့ ကျွန်တော်နဲ့ ကျွန်တော့် ဇနီးတို့ နေပါတယ်။ ဂျပန်အိမ် တွေထဲ မှာတော့ ကျွန်တော်တို့ အိမ်က ကျယ်ကျယ် ၀န်းဝန်း ရှိတယ် လို့ ပြောရမှာပါပဲ။
ကံကောင်းတာ တစ်ချက်က ကျွန်တော်တို့ အိမ် ဟာ လမ်းမတန်းရဲ့အတွင်း ပိုင်းမှာ ကျရောက်ပြီး တိုက် အသစ် လှလှလေး တွေက ရှေ့ ဘက်ကရော၊ နောက်ဘက် ကရော၊ ဘေးဘက် ကရော အကာအကွယ် ပေးထား သလို ဖြစ်နေ ပါတယ်။ မြေညီညီ မဟုတ်တော့ တောင်ကြီး၊ ကလော ဘက်က အိမ်တွေလို နိမ့်တာနိမ့်၊ မြင့်တာ မြင့်ပေါ့။ ကျွန်တော်တို့ အိမ်ကတော့ အနိမ့်ပိုင်းမှာ ကျတယ်။

လမ်းမက ဖဲ့ဆင်းပြီး လူသွားလမ်း လေး အတိုင်း ၀င်လာမှ ကျွန်တော်တို့ အိမ် ကို ရောက်တယ်။ လမ်းမက နေ ကြည့်ရင် အိမ်ကို လုံးဝ မမြင် ရပါဘူး။ တစ်နည်းအား ဖြင့် ပြောရရင် ကျွန်တော်တို့ လို ဗီဇာ ရက်ကျော် နေထိုင်သူ တွေအဖို့ ဘေးကင်း လုံခြုံ တယ်လို့ ဆိုရမှာပေါ့။

ကံဆိုးတာ တစ်ခုက တော့ ကျွန်တော့်အိမ်ရဲ့ မီးဖို ချောင်ဟာ အင်မတန် ဇီဇာ ကြောင်တဲ့ ဂျပန် အဘိုးကြီး၊ အဘွားကြီး နှစ်ဦးရဲ့ အိမ် ဂေဟာ ဧည့်ခန်းကို သွား မျက်နှာမူ နေတာပါပဲ။
မမိုးတို့ မစိုးတို့ရဲ့ မီးဖို ချောင်က တစ်ဖက်အိမ်ရဲ့ ကားဂိုဒေါင် ဘက်လှည့် ထားတဲ့ အတွက် အဆင် ပြေတယ်။ ဘယ်လောက် ကြော်ကြော်၊ ဘယ်လောက် ညှော်ညှော်ကိစ္စ မရှိဘူး။ ကျွန်တော်တို့ဘက် ကသာ အဟုတ် ကိစ္စရှိနေ တာ။

ကျွန်တော်တို့ ဟင်းချက် ဖို့ ငရုတ် ကြက်သွန် ဆီသတ် လိုက်တိုင်း အဘိုးကြီး ဖြစ်ချင် ဖြစ်၊ အဘွားကြီး ဖြစ်ချင်ဖြစ် တစ်ယောက်က အိမ်တံခါး လာခေါက်ပြီး “မင်းတို့ ဘာ ကြော်တာလဲ၊ အဲဒီ အနံ့ကို တို့ လုံးဝမခံ နိုင်ဘူး။ အခုချက် ချင်းရပ်ပါ” လို့ အမိန့် ပေးလေ့ ရှိတယ်။

ကျွန်တော်တို့ မီးဖိုချောင် နဲ့ သူတို့ အိမ်ရှေ့ခန်းက ၀ါးနှစ် ရိုက်စာ လောက်တော့ ဝေးပါ တယ်။ ဒါပေမဲ့ ကျွန်တော်တို့ အိမ်က အနိမ့်ပိုင်း၊ သူတို့အိမ် က အမြင့်ပိုင်း ဆိုတော့ ကျွန်တော်တို့ ကြော်သမျှ ညှော်နံ့က သူတို့ အိမ်ထဲ တန်း ၀င်သွား ဟန်တူပါရဲ့။ အိမ်ဟောင်း ဆိုတော့ ညှော်စုပ်စက် ကလည်း တပ်မထား ဘူးလေ။

ဒီလိုနဲ့ပဲ ကျွန်တော်တို့ မှာ ဟင်းဆက် မချက်ရဲတော့ ဘဲ ခေါက်ဆွဲပြုတ် နဲ့ပြီးလိုက် ရတဲ့ အကြိမ် ဆိုတာ ရေတောင် မရေနိုင် တော့ဘူး။ ခက်တာက မြန်မာဟင်းဆို တာကလည်း ဆီမသတ်ဘဲ ချက်ရင် စားမကောင်းဘူး မဟုတ်လား။ တစ်ခါတလေ ဟင်းကို ဖြစ်သလို လုံးချက် တော့ အရသာက မရှိပြန်။ လင်မယား နှစ်ယောက် အလုပ်က ပင်ပင် ပန်းပန်း ပြန် လာတဲ့အခါ ထမင်းဟင်းလေး တော့ လျှာရင်း မြက်မြက် စားချင် တာပေါ့။ သူတို့ရဲ့ အသင့်ချက် ဂျပန် ဟင်းချိုတို တိုကြီးတွေကို အလွယ် တကူ ၀ယ်စားလို့ ရပေမဲ့ ကိုယ့်ပါး စပ်နဲ့ လုံးဝကီး မကိုက်။ ဘယ် လိုမှ ခံတွင်း မတွေ့နိုင်။ ကိုယ့် ရပ်ကိုယ့်ရွာ မဟုတ်တော့ “ညှော်မယ်ဗျို့”အော်ပြီး ကြော် ချင်တိုင်း ကြော် လို့က မဖြစ်။ တကယ့် ပြဿနာပါ။

အဲဒီတော့ တစ်ခုခု ကြော်ချင်၊ လှော်ချင်ရင် အရင်ဆုံး သူတို့ အိမ်ဘက် မသိမသာ ချောင်းရတယ်။ လူရိပ်လူခြည် မတွေ့ တော့တဲ့ အခါမျိုးမှ ကမန်းကတန်း ကြော်၊ ကမန်း ကတန်းလှော် ရတယ်။ သူတို့ အရိပ်အယောင် မြင်ရင်တော့ ချက်ချင်းမီး ပိတ်၊ ဟင်းအိုးချ လုပ်ရပါ ရော။ ဒါတောင် ညှော်နံ့ အကြွင်း အကျန်ကို နှာခေါင်း တရှုံ့ရှုံ့၊ အိမ်ဘက် တကြည့် ကြည့်လုပ် သေးတယ်။ ဘယ်လောက် စိတ်ညစ် စရာကောင်း ပါသလဲ။ မမိုးတို့၊ မစိုးတို့ ကတော့ ပြောရှာ ပါတယ်။ သူတို့ မီးဖိုမှာ လာချက်ပါတဲ့။ အဲဒါလည်း တစ်ခါ တစ်ရံပဲ ကောင်း တာပေါ့။ အမြဲတမ်း ကျတော့ ဘယ်သင့် တော်ပါ့ မလဲ။ အားနာစရာ။

အဲဒီ ဇီဇာကြောင်တဲ့ အဘိုးကြီး၊ အဘွားကြီး လင် မယားဟာ ကျွန်တော်တို့ကို အမြဲ သင်္ကာယန မကင်းတဲ့ မျက်လုံးနဲ့ ကြည့်ပြီး အမြဲ လည်း အပြစ် ရှာတတ်တယ်။
တစ်ခါ တလေ ကျွန်တော်တို့ အ၀တ်အစား တွေ အိမ်အပြင်က သံအ၀တ် တန်းမှာ နေပူ ထုတ်လှန်းပါ တယ်။ အဲဒါ မျက်စိရှုပ်လို့ အ၀တ် မလှန်း ပါနဲ့တဲ့။ ဖြစ်ပုံ များ။ တကယ်တော့ ကျွန်တော်တို့ အ၀တ်တွေက အနိမ့် ပိုင်းမှာ ရှိနေတာ။ သူတို့ က အမြင့်ပိုင်း။ အနေသာကြီး ပါ။ အဲဒါလည်း မရဘူး။ ဒီ တော့ မခြောက် တခြောက် အ၀တ်တွေ အိမ်ထဲ ရွှေ့ရပြန် ရော။

ကျွန်တော်တို့ အိမ်အ၀င် အထွက်ပေါက် အဖြစ် ကျွန်တော် တို့က နောက်ဖေးပေါက် ကိုပဲ အလွယ် တကူ သုံးတယ်။ အိမ် ရှေ့က ရှပ်တာ တံခါးကြီး ရှိနေတော့ ဖွင့်ရပိတ်ရတာ အလုပ်ရှုပ် လွန်းလို့။ ဒီတော့ ကျွန်တော် တို့က အမှိုက်ပုံးကို အိမ်နောက်ဖေး တံခါးပေါက် အနားမှာပဲ ထားလိုက်တယ်။ အလုပ်သွားရင်း အမှိုက်ထုပ် ကို ယူသွားလို့ ရအောင်ပါ။ အမှိုက်ကန်က အလုပ်သွားတဲ့ လမ်းဘေးမှာ ရှိတာလေ။

တစ်ညမှာတော့ မထင် ဘဲ လေကြီး မိုးကြီး ကျပါရော။ သည်းလိုက် တဲ့မိုး၊ ထန်လိုက် တဲ့လေ။ တ၀ုန်းဝုန်းနဲ့ ကိုနေ တာ။ ကျွန်တော်တို့ ကလည်း အမှိုက်ပုံးကို မေ့နေတာ၊ လေ ဒဏ် မိုးဒဏ် ကြောင့် အမှိုက်ပုံး ဟာ အဖုံး တခြား ကိုယ်ထည် တခြား ဖြစ်ပြီး အမှိုက်တွေ လည်း အိမ်ပတ် ပတ်လည်မှာ ဖွာလန် ကြဲကုန် တော့တာပေါ့။ သူတို့ အိမ်ဝင်း ထဲလည်း တချို့ ရောက်သွားရော ဆိုပါတော့။
နောက်တစ်နေ့ မနက် က ကျွန်တော်တို့ လင်မယား နှစ်ယောက်လုံး နားရက်ဆို တော့ ထုံးစံအတိုင်း နေမြင့် တဲ့အထိ ဇိမ်နဲ့ နှပ်မယ်လို့ စိတ်ကူးပြီး အိပ်နေကြတာ ပေါ့။ မနက် ၆ နာရီလောက် မှာ တံခါးဘဲလ် သံကြား ရပါ လေရော။ ကျွန်တော်အိပ်ရာ က မထချင် ထချင်နဲ့ ထပြီး တံခါး ဖွင့်ကြည့် လိုက်တော့ တံခါးဝမှာ အဘွားကြီး။ အဘွားကြီးက ပြန့်ကြဲ နေတဲ့ အမှိုက်တွေ ပြပြီး အပြစ်တွေ တင်လိုက်တာ၊ အမှိုက်ပုံးကို အိမ်ပြင် မထားဘဲ အိမ်ထဲ ထားဖို့ လက်ချာ ရိုက်တာက နာရီဝက် လောက်ကြာတယ်။

ကိုယ့် အမှား မို့လို့ ကျွန်တော်တို့ နှစ်ယောက်လည်း ခါးတညွတ်ညွတ်နဲ့ “ဂေါ်မဲင်း နာဆိုင်း၊ စူမီမာစင် ဒက်ရှတ” (တောင်းပန်ပါတယ်၊ ခွင့် လွှတ်ပါ)ကို အာပေါက် မတတ် ပြောပြီး သူ့ရှေ့မှာပဲ အမှိုက်တွေ ပြန်လှည်း၊ ပုံးထဲ ထည့်၊ ပုံးကို အိမ်ထဲပြန်သွင်း လုပ်တော့မှပဲ အဘွားကြီး ကျေနပ်ပြီး သူ့အိမ်သူ ပြန်သွား ပါတော့တယ်။

ကျွန်တော်တို့ နေရထိုင် ရတာ ဘယ်လောက်စိတ် ကျဉ်းကျပ် သလဲ ဆိုတာ စဉ်းသာ စဉ်းစား ကြည့်ပါ တော့။ တကယ်တော့ ကျွန်တော်တို့ လင်မယားရော၊ မမိုး မစိုးတို့ ညီအစ်မ နှစ်ယောက်ရော အေးအေးဆေး ဆေး၊ စည်း ကမ်းတကျ နေတတ်တဲ့ သူတွေ ပါဗျာ။ ဟော့ဟော့ ရမ်းရမ်း သမားတွေလည်း မဟုတ်ပါ ဘူး။ ဒါပေမဲ့ အိမ်နီးချင်းတွေ ရဲ့မျက်နှာထားနဲ့ အမူအရာ တွေကတော့ ကျွန်တော်တို့ အပေါ် မလိုမလား ရှိနေတာ၊ အထင်အမြင် သေးနေတာက တော့ အရမ်းကို သိသာပေါ် လွင်နေပါတယ်။
မိန်းမကတော့ အိမ် ပြောင်းချင် တယ်ချည်း တဖွဖွ ပြောနေ တော့တာပဲ။

“သည်းခံစမ်းပါ မိန်းမ ရယ်။ အခုဟာက ရဲကို ဖုန်း မဆက်ဘဲ တို့ကို တိုက်ရိုက် လာလာ ပြောနေတာ ကိုက ဘယ်လောက် ကျေးဇူးတင်ဖို့ ကောင်းလဲ။ ကောင်းတဲ့ဘက် က တွေးကြည့် စမ်းပါ။ ပြီး တော့ ဒီအိမ်မှာ မနေချင်ရင် အလုပ်ပါ ပြောင်းရမှာကွ။ အလုပ်သစ် ပြောင်းရင် ဘယ်လောက် အခက်အခဲ တွေ့လဲ မင်း အသိဆုံးပဲ။ အခု တို့ အလုပ်လေးက အတော်လေး အဆင်ပြေ နေတဲ့ဥစ္စာ၊ ခဏ တော့ မှေးနေလိုက် ပါဦးကွာ”

မိန်းမကို ဖျောင်းဖျမဲ့သာ ဖျောင်းဖျရတာ၊ အမှန်တော့ ကျွန်တော် ကိုယ်တိုင်လည်း ဒီ အိမ်မှာ နေချင် စိတ်မရှိတော့ ပါဘူး။ သိပ်မကြာခင်မှာ တော့ သူတို့ကပဲ ကျွန်တော် တို့ကို မောင်းထုတ် မလား၊ ကျွန်တော်တုိ့ ကပဲ သည်းမခံ နိုင်လို့ ပြောင်းပြေး မလား၊ တစ်ခုခုတော့ တစ်ခုခု ပဲလို့ စိတ်ထဲ အောက်မေ့ ထားလိုက် တယ်။

တစ်ရက်မှာတော့ ကျွန်တော်တို့ ၀ယ်စု ထားတဲ့ ပစ္စည်းတွေ ရန်ကုန် ပို့ဖို့ စီစဉ် ကြတယ်။ မိန်းမက အ၀ယ် အခြမ်း ၀ါသနာ ပါတယ်။ အချိန်အား ရရင် ကုန်တိုက် တွေ လျှောက်ပတ်၊ ဟိုဟာ လေးတွေ့လည်း တန်တယ်၊ ဒီဟာလေး တွေ့လည်း တန် တယ်၊ ဈေးချတုန်း ၀ယ်ထား ဦးမှဆိုပြီး ၀ယ်ဝယ် ထားတဲ့ ပစ္စည်းတွေက အများကြီး။ ပြီးတော့ ဆယ်ပြားဈေး သွား ပေါပေါ ပဲပဲရတဲ့ အမျိုးအစား ကောင်း ပစ္စည်းတွေ့ရင် လည်း လိုလို မလိုလို ၀ယ် ထားတာ ကလည်း မနည်း ဘူး။ တကယ်စုပြီး ထုပ်ပိုး လိုက်တော့ စက္ကူ သေတ္တာကြီး ၅ လုံးစာလောက် ထွက်လာ တယ်။
ရန်ကုန်ကို ပစ္စည်းပို့ ဆောင်ရေး လုပ်ငန်းလုပ်တဲ့ ကိုဝေလင်းတို့၊ နန်းနန်းတို့ဆီ ဖုန်းဆက်လိုက်ပြီး ကိုဝေလင်းက ပစ္စည်းသိမ်းဖို့ ကွန်တိန်နာ ကားကြီးနဲ့ ရောက် တဲ့ အချိန်က ညနေ ၆ နာရီရှိပြီ။ အဘိုးကြီး၊ အဘွား ကြီးနှစ်ယောက် သူတို့အိမ် ရှေ့မှာ အမွေး စုတ်ဖွားခွေး လေးကို ကျောင်းနေ တဲ့အချိန် ပေါ့။

ကျွန်တော်တို့က အိမ်ထဲ မှာ ပစ္စည်းတွေ ချိန်တွယ် တွက်ချက်ပြီးလို့ ငွေရှင်းပြီး တာနဲ့ စက္ကူ သေတ္တာတွေ အိမ် အပြင်ကို မ ထုတ်ပြီး ကိုဝေ လင်းရဲ့ လက်တွန်းလှည်း ပေါ်တင် ပေးရတယ်။ ကိုဝေ လင်းနဲ့ ကျွန်တော်က လက် တွန်းလှည်းလေး တွန်းပြီး လမ်းမမှာ ရပ်ထားတဲ့ သူ့ ကားဆီ သယ်သယ် သွားရ တာက သုံးခေါက် တိတိ။

အဲဒါကို အဘိုးကြီး၊ အဘွားကြီးက မျက်လုံး ဒေါက်ထောက်ပြီး အကဲခတ် ကြည့် နေကြတယ်။ ကျွန်တော်တုိ့ လုပ်တာကိုင် တာကို ဘာလုပ်တယ် ထင်နေ လဲ မသိဘူး။
ပစ္စည်းတွေ အားလုံး တင်ပြီးလို့ ကားလည်း ထွက် သွားရော၊ ကျွန်တော်က လူ သွားလမ်း ကြားလေး ကနေ ကိုယ့်အိမ်ဘက်ကို ၀င်အလာ အဘိုးကြီးက သူ့အိမ်ရှေ့ ကနေ ကျွန်တော့်ကို လှမ်းခေါ်တယ်။ ကျွန်တော့် ခြေလှမ်းတုံ့ သွား တော့ အဘိုးကြီးက ကျွန်တော့်ကို “မင်းတို့ အခု ဘာလုပ် နေကြတာလဲ” လို့ မေးပါတယ်။ ဘာရစ် ဦးမလဲ မသိဘူး။
“ကျွန်တော်တို့ တိုင်း ပြည်ကို ၀ယ်ထားတဲ့ ပစ္စည်း တွေ ပို့ဖို့ လုပ်နေတာပါ”

ကျွန်တော်က စိတ်ညစ် သွားပေမဲ့ ကောင်းကောင်းမွန် မွန် ရိုရို ကျိုးကျိုးပဲ ပြန်ဖြေ လိုက်ပါတယ်။
“မင်းတို့က ဘယ်တိုင်း ပြည်ကလဲ”
“မြန်မာ”
“မြန်မာ မြန်မာဆိုတာ ဘယ်နားမှာ ရှိတာလဲ”
“မြန်မာ ဆိုတာ ဘီရူမာ ကို ပြောတာပါ”
ဂျပန် လူကြီးပိုင်း အများစုဟာ မြန်မာဆိုတာ ထက် ဘီရူမာကို ပိုသိတဲ့ အတွက် ကျွန်တော်က သူတို့ သိနိုင်မဲ့ အမည်ကို ပြောပြ လိုက်ပါတယ်။
“ဘီရူမာ ဟုတ်လား”
ဒီမှာတင် အဘိုးကြီးရဲ့ မျက်နှာဟာ ရုတ်တရက် ထူးထူး ခြားခြားကြီး ပြောင်းလဲ သွားပါတယ်။ တအံ့ တသြ ဖြစ်သွား ပါတယ်။ စောစော ကလို မနှစ်မြို့တဲ့၊ သင်္ကာ ယန မကင်းတဲ့ မျက်နှာထား မျိုး မဟုတ် တော့ဘဲ အားတုံ့ အားနာ အမူအရာနဲ့ ကျွန်တော် ရှိတဲ့ အနိမ့်ပိုင်းကို ဆင်းလာပါ တယ်။

“ဒါဆိုရင် မင်းတို့က စုကြည်စံတို့ တိုင်းပြည်က ပေါ့၊ ဟုတ်လား”
“ခင်ဗျာ သြော် ဟုတ် ဟုတ်ပါတယ်။ စုကြည်စံတို့ တိုင်းပြည် ကပါ။ ဒီအိမ်မှာနေ တဲ့လူတွေ အားလုံးက စုကြည် စံတို့ တိုင်းပြည်က ချည်းပါ ပဲ”
“စိုးကား (ဟုတ်လား)”

အဘိုးကြီးရဲ့ မျက်နှာ ဟာ ချက်ချင်း ၀င်းထိန်သွား ပြီး အားရ ပါးရ ပြုံးလိုက်ပါ တယ်။ ပြီးတော့ အနှစ်နှစ် အလလက ကွဲကွာနေတဲ့ မိတ်ဟောင်း ဆွေဟောင်းတစ် ဦးကို မမျှော်လင့်ဘဲ ရုတ်တ ရက် ပြန်တွေ့ ရသလို ကျွန်တော့် လက်ကိုဆွဲပြီး အားရပါးရ လှုပ်ယမ်း နှုတ်ဆက် ပါတယ်။

“စောစောက ပြောရော ပေါ့ကွာ မင်းတို့က ဘီရူမာ တွေဆိုတာ။ ငါက မင်းတို့ကို ဖိလစ်ပိုင် လူမျိုးတွေ ထင်နေ တာ” တဲ့။
ပြီးတော့ “စုကြည်စံ နော့ ခုနိခါရ ဒိုင်းဂျောဘုရော” (စုကြည်စံတို့ တိုင်းပြည်က ဆိုရင် ရတယ် ရတယ်) အစ ချီပြီး ကျွန်တော်တို့ကို တွေ့ ရလို့ ၀မ်းသာတဲ့ အကြောင်း၊ အလုပ်ကြိုးကြိုး စားစားလုပ် ကြဖို့ အကြောင်း၊ ကျန်းမာရေး ကိုလည်း ဂရုစိုက်ကြဖို့ အကြောင်း၊ အကူအညီ လိုအပ် ရင်လည်း တောင်းဖို့ အကြောင်းတွေ လှိုက်လှိုက် လှဲလှဲ တောက်လျှောက်ပြော ပါလေ တော့တယ်။
အနား ရောက်လာတဲ့ ကျွန်တော့် မိန်းမဆိုတာ အံ့သြ ၀မ်းသာလွန်းလို့ မျက်ရည် တွေ ဘာတွေ တောင်ဝဲလို့။ ကျွန်တော် ဆိုလည်း အဲဒီတော့ မှ ရင်ထဲက အလုံးကြီးကျ သွားပြီး စိတ်ထဲက “ကျေးဇူး ကြီးလှပါ တယ် အန်တီ စုကြည်စံရယ်” လို့ အကြိမ် ကြိမ် ရေရွတ်နေ မိပါတယ်။ အန်တီ စုကြည်စံသာ မကယ် ရင် ဂျပန်မှာ ကျွန်တော်တို့ ဘုံပျောက်ပြီး ဒုက္ခလှလှ ရောက်ရ မဲ့ကိန်း မဟုတ်လား။
အဲဒီနေ့ ကစပြီး မနက် လင်းလို့ အိမ်တံခါး ဖွင့်တာနဲ့ အဘိုးကြီး၊ အဘွားကြီးရဲ့ လို လားကြည်ဖြူ တဲ့အပြုံးကို မြင်ရပြီး “အိုဟိုင်းယိုးဂို ဇိုင်းမတ်(စ) (မင်္ဂလာနံနက် ခင်းပါ)” ဆိုတဲ့ နှုတ်ဆက်သံ ကို ကြားရရုံ မက အလုပ် သွား၊ အလုပ် ပြန်လမ်းမှာ များဆုံရင်လည်း “ဂန်ပတ် တဲ့နဲ (အားတင်းထားကွယ့် နော်၊ ကြိုးစားထား ကွယ့် နော်)” ဆိုပြီး အားပေး သမှု ပြုခြင်း ခံရတာဟာ ကျွန်တော် တို့ ငွေအတန် အသင့်စု မိလို့ မြန်မာပြည် ပြန်ခဲ့တဲ့ နေ့အထိ ပါပဲ ခင်ဗျာ။

အရင် ကတော့ ကျွန်တော်ဟာ “သြဇာ”နဲ့ “အာဏာ”ကို အတူတူလို့ အရောရော အထွေးထွေး နား လည်ခဲ့တယ်။
တကယ့် တကယ် စေ့စေ့ တွေးကြည့်တော့ မတူပါဘူး။ သြဇာက သြဇာသတ်သတ်၊ အာဏာက အာဏာသတ် သတ်ပါ။
အာဏာ ရှိဖို့ ဆိုတာ တရားတဲ့ နည်းနဲ့ ဖြစ်ဖြစ်၊ မတရားတဲ့ နည်းနဲ့ ဖြစ်ဖြစ်၊ ဘယ်လိုနည်း နဲ့ဖြစ်ဖြစ် နည်း ပေါင်းစုံနဲ့ ရယူလို့ရပေမဲ့ သြဇာ ရှိဖို့ကျတော့ အဲဒီလို လုပ်လို့ မရဘူး။
သြဇာကို ရိုးသား ဖြောင့် မတ်မှု၊ ဉဏ်ပညာ ပြည့်ဝမှု၊ ပင်ကို စွမ်းရည် ထက်မြက်မှု၊ အများ ကောင်းကျိုး အတွက် စွန့်လွှတ် အနစ်နာခံ နိုင်မှု၊ သဘောထား ကြီးမြတ်မှု၊ ရဲ စွမ်း သတ္တိရှိမှု၊ အမှန် တရားကို မြတ်နိုး တတ်မှု၊ အဆုံးစွန် သည်းခံ နိုင်မှု စတာတွေနဲ့သာ ထူထောင် လို့ရ ပါတယ်။

အဲဒီ အချိန် တုန်းက စုကြည်စံမှာ ဘာအာဏာမှ မရှိပါဘူး။ မရှိရုံမက အာဏာ အောက်မှာ ပြားပြား မှောက်နေ ရတဲ့ အချိန်ပါ။ ကမ္ဘာကြီးနဲ့ အဆက်ပြတ်ပြီး သူ့အိမ်ထဲမှာ အထီးကျန် အကျဉ်းကျနေတဲ့ အချိန်။

ဒါပေမဲ့...
အိမ်ထဲမှာ နေပြီး သူ သြဇာ ညောင်းလိုက် ပုံများ လေ...
ကမ္ဘာ့ မြေပုံကို ဖြန့် ကြည့်လိုက်ရင်း အပြော ကျယ်လှတဲ့ ပစိဖိတ် သမုဒ္ဒရာ ကြီးထဲက ဂျပန်ဆိုတဲ့ ကျွန်း နိုင်ငံ သေးသေးလေး ပေါ်က တိုကျိုမြို့ အစွန်အဖျားက နယ် မြို့လေးတစ်မြို့ရဲ့ ရပ်ကွက် လေး တစ်ခု အတွင်းက တိုက်ပု လေးတစ်လုံးမှာ နေထိုင်တဲ့ သက်ကျားအို အဘိုးကြီး၊ အဘွားကြီး နှစ်ယောက် အထိ တောင်ပါပဲ လားလို့ တွေးမိပြီး ကျွန်တော်ဖြင့် ကြက်သီး တောင် ဖြန်းခနဲ ထမိသွားပါ တယ် ခင်ဗျာ။

မနှင်းဖွေး
(ရွှေအမြုတေ မဂ္ဂဇင်း ဖေဖော်ဝါရီလ ၂၀၁၃)
(ဆယ်ပြားဈေး=အိမ်ရှိ အသုံးမလိုတော့သော ပစ္စည်းများကို ဈေးပေါပေါဖြင့် လာရောက်
ရောင်းချသော ယာယီဈေး)