ခုတလော ဘယ်ဘက် လက်ဖ၀ါးပြင်ကို အမှတ်တမဲ့ ငုံ့ကြည့်မိ လေတိုင်း အမေ့ကို ကျွန်မ သတိတရ ရှိနေ ပါသည်။

ကျွန်မ၏ ဘယ်ဘက် လက်ဖ၀ါး ပြင်တွင် ရှိနေသော၊ အသက်လမ်း ကြောင်းဟု ခေါ်ဆိုကြသော လမ်းကြောင်းသည် ခုတော့ အရင်က လောက် မမှုန်ဝါး တော့ပါပြီ။ သူတကာလို ထင်းနေသည် မဟုတ်သော်လည်း အရင်ကတော့ သိသိ သာသာ ပြတ်တောက် နေခဲ့သည် မဟုတ်လား။ သေသေချာချာ ကြည့်မှပင် အသက် လမ်းကြောင်း ပါသည်ကို သိရ တတ်သည် မဟုတ်လား။ သည်နှစ်ပိုင်း မှာတော့ အဲသည် အသက် လမ်းကြောင်း အရင်ထက်      ထင်ရှား လာသည်ကို ကျွန်မ သတိပြု မိပါသည်။ နည်းနည်းတော့ ရှည်လျားလာ သည်ဟု လည်း မြင်လာ ရပြီ။ ဗေဒင် လက္ခဏာကို အကျွမ်းမ၀င် သူမို့ ဘာသဘော ကြောင့်ရယ်တော့ နားမလည်။ သို့သော် ကျွန်မ နားလည် သည်မှာတော့ သည်လက်ဖ၀ါး ပြင်ကို အမေ တွေ့ရလျှင် ၀မ်းမြောက် လိမ့်မည် ဆိုတာပင်။

သည် လက်ဖ၀ါး ပြင်၏ အကြောင်းကို လွန်ခဲ့သော နှစ်နှစ်ကျော် သုံးနှစ် လောက်က အမေ့ကို ကျွန်မ ပထမဆုံး ပြောပြခဲ့ မိပါသည်။ သည်တုန်း ကတော့ ကျွန်မသည် ရယ်မော စရာ အကြောင်းအရာ သဖွယ်တော့ သဘောထား ပြောခဲ့သည်။ အထွေအထူး တွေးခဲ့သည် မဟုတ်။ အချို့သော အလေး အနက်ထား ပူပန် ရမည့် အကြောင်း အရာများကို ဟာသ လုပ်ကာ စိတ်ပေါ့ပါး စေရခြင်းနှင့် ယဉ်ပါး ခဲ့ရသူ မို့လားမသိ။ အဲသည်တုန်း ကလည်း ကျွန်မ ရယ်ရယ် မောမောပင် ပြောပြမိ ခဲ့သည်။ လွန်ခဲ့သော နှစ်နှစ်ကျော် ကာလ။

အမေနှင့် ပြန်ဆုံ ရချိန်ပင်။ အမေသည် ကျွန်မ ကျင်လည် အလုပ် လုပ်ကိုင်ရာ ရန်ကုန်မြို့ဆီ ရောက်လာ ခဲ့သည်။ ဘုရားလည်း ဖူးရင်း အိမ်မပြန် နိုင်သေးတော့ သမီး ကိုလည်း တွေ့ရင်း ရောက်လာ ခဲ့ပါသည်။ ကျွန်မက အဆောင်တွင် နေရသူမို့ အမေ့ကို ခေါ်မထားနိုင်။ ခေါ်ထား ခွင့်ပင် ပေးစေဦး၊ အခန်းက ကျဉ်းလှ သည်ပင်။ တာမွေ တွင်ရှိသော အမေ့အသိ အိမ်မှာ တည်းခို ရသည်မို့ ကျွန်မလည်း အဲသည် အိမ်မှာပင် တစ်ညတော့ သွားနေ ရသည်။ အမေတို့ ရောက်ပြီး နှစ်ရက် မြောက်ညတွင် ဖြစ်လေသည်။ တိုက်ခန်းတို့ ထုံးစံ အတိုင်း အခန်းလေးက ကျဉ်းမြောင်း လေရာ အိမ်ရှင်တို့က တစ်ပြန် တစ်လှည့်ပင် အားနာ နေကြသည်။ ဧည့်ခန်း ထဲတွင် အိပ်ရာ ခင်းကာ သိပ်ရသည်ကို မျက်နှာပူ သည်တဲ့။ သို့သော် ဒါသည် ရန်ကုန်ပေပဲ။ ကျွန်မကတော့ နေသား ကျနေပြီ။ အမေ သည်လည်း သမီးကို တွေ့ရသည်မို့ လားမသိ။ ဘာကိုမဆို တပြုံးပြုံးနှင့် ကျေနပ် နေရှာသည်။ အဲသည်ညက အမေနှင့် အတူ ရှိရသည် ကို ကျွန်မလည်း ကျေနပ် ပျော်ရွှင် နေခဲ့သည်။ ကျွန်မ ထုံးစံ အတိုင်း စကားများစွာ ပြောလျှင် အမေ့မှာ နားထောင် သူသာ။ နှစ်နှစ်လောက် ဝေးခဲ့ ရသော အမေ့ ရင်ခွင်သည် အဲသည်ညက ကျွန်မစိတ်ထင် လို့များ လားမသိ။ ပို၍ပင် နွေးထွေး နေခဲ့သည်။ အမေနှင့် ဘေးချင်း ယှဉ်အိပ်ရင်း၊ အမေ့ ရင်ခွင်ထဲ ကလေး သဖွယ် ခေါင်းထိုး ထည့်ရင်း၊ စကား ပြောရင်းက ကျွန်မသည် ဘယ်ဘက် လက်ဖ၀ါးပြင်ကို အမှတ်တမဲ့ ကြည့်နေမိ ခဲ့သည်။ အမှတ်တမဲ့မှ တကယ်ကို အမှတ် တမဲ့ပါ။ သို့သော် အမေ ကတော့ ဘယ်အချိန် ကတည်းက သတိထားမိ နေသည် မသိ။ “ကိုယ့်လက်ဝါး ကိုယ်ကြည့် နေတာများ ဗေဒင် တွက်မှာ ကျနေတာ ပဲကော”ဟု ရယ်မော လျက်ဆိုပါသည်။ “သမီးလား။ တွက်တတ် သားပဲ အမေ မသိဘူးလား”

အမေက ကျွန်မ စကားကို မယုံပါ။ ရယ်လျက်သာ နေပါသည်။ မယုံဆို ကျွန်မက အမေ့ကို စနောက် နေတတ်သူ မဟုတ်လား။ အိမ်တွင် ကျွန်မ ရှိပြီဆို အမေ့မှာ နှစ်သိမ့် ပျော်ရွှင် နေရ တတ်သည်။သမီး ပြန်သွားရင် အိမ်မှာ ခြောက်နေ တာပဲ ဟု ကျွန်မ မြို့ပြ ပြန်ရောက်လျှင် အမေက ဖုန်းထဲမှ ပြောပြ တတ်သည်။ ခုလည်း အမေသည် ကျွန်မ ဟာသ လုပ်ပြောနေ သည်မှတ်ကာ ရယ်မော နေတာပင်။ တကယ်လည်း ကျွန်မသည် ဘာရယ် မဟုတ်ဘဲ  ရယ်စရာ အသွင်ဖြင့်သာ စကားပြန် လိုက်မိသည်။ အဲသည် စကားများသည် နောင် တစ်ချိန် အမေ့ကို ဒဏ်ရာ ဖြစ်စေမည် လို့တော့ ထိုစဉ်က မတွေးတတ်သေး။ “သြော်၊ အမေကလည်း သမီး တကယ်ကြည့်တတ် တာတော့ မဟုတ်ဘူးပေါ့။ သူများတွေ ဟောပေးရင် မှတ်ထား တာပေ့ါ။ မိန်းကလေး ဆိုတာ ဘယ်ဘက် လက်ဖ၀ါးကို ကြည့်ရတယ် ဆိုပဲ။ အဲ၊ အဲဒါ အသက် လမ်းကြောင်းပေါ့။ သမီးမှာ အသက်လမ်း ကြောင်းက ပြတ်နေတာ ကော။ တစ်ဝက်ပဲ ရောက်တယ်နော် တွေ့လား အမေ။ အောက်ဘက်ဆို ကောင်းကောင်း တောင် မပေါ်တော့ ဘူးလေ။ အဲဒါကို အသက် တိုမှာကို ပြတာတဲ့”ဟု အရယ် တစ်ဝက်နှင့် ဆိုမိပါသည်။ “သမီးကလည်း မပြောကောင်း ပြောကောင်း” အမေ့အသံ တိမ်ဝင် သွားသည်ဟု ခံစားရ တော့ ကျွန်မ ငဲ့ကြည့် လိုက်ပါသည်။ အမေ့မျက်နှာမှာ တကယ်ပင် အလေးအနက်ဟန်နှင့် ပျက်ယွင်းလျက်။ အမေ့ မျက်လုံးများတွင် ပူပင် သောကသည် အရိပ်ထင် လျက်သား။ ဘုရား...ဘုရား ကျွန်မ စကားမှား သွားခဲ့ပြီလား။ တကယ်တော့ ကျွန်မသည် သေခြင်း တရားကို တွေးကြောက် နေတတ်သူ မဟုတ်ပါပေ။ ဘ၀တွင် မက်မောစရာ ပိုင်ဆိုင် မှုများ နည်းပါး၍ လားမသိ။ မနက်ဖြန် သေမည် ဆိုလျှင်တောင် သေမင်း နောက် အေးအေး ချမ်းချမ်း လိုက်နိုင် ပါမည်ဟု ကိုယ့်ကိုယ်ကို ယုံကြည်တတ် မြဲ။ ဒါကြောင့်သည် စကားကို ပေါ့ပေါ့ပါးပါး ပြောထွက်သည်။

ရံဖန် ရံခါတော့ လောကကို ခင်တွယ်စိတ်၊ မိဘများကို ချန်မထားလို စိတ်များနှင့် တွေဝေ ဖူးတာ ၀န်ခံ လိုသည်။ သို့ပေမဲ့ အသက် လမ်းကြောင်း ပဲ ပြတ်တောက် နေသူ မို့လား မသိ။ သေခြင်း တရားကိုတော့ ခေါင်းထဲ အစဉ်လို ထည့်ထား တတ်ပေသည်။ သူတကာလို နိမိတ်မရှိ၊ နမာ မရှိလည်း မတွေး တတ်ဘဲ ငါသေရင် လေဟု ခဏခဏ ပြောဖြစ်သည်။ မျက်ကြည်လွှာကို လှူကာ သူငယ်ချင်းထံ မျက်စိ ဆေးရုံကြီးက ပေးထားသော ကတ်ကလေးကို အပ်ထား ဖူးသည်။

“ငါ သေတယ် ကြားတာနဲ့ ဆေးရုံကို ဖုန်းဆက်လိုက် သိလား။ လေးနာရီ ကျော်ရင် လှူလို့ မရတော့ ဘူးရယ်”ဟု မှာဖူးသည်။

ကျွန်မလိုပင် အယူ နည်းပါးသော သူငယ်ချင်း ကလည်း စိတ်ချ ဟုဆို ကာ တာဝန်ခံ ဖူးသည်။ တစ်ခါတလေ တော့လည်း အဆောင်မှာနေ ထိုင်ရင်းက ကြံဖန် စိတ်ပူ နေတာမျိုးလည်း ရှိတတ် ပြန်သည်။ ငါသာ ရုတ်တရက် သေသွား ရင်စု ထားတဲ့ ပိုက်ဆံလေး(တကယ်တော့ မဖြစ်စလောက် ဟု အများက ရယ် မောမည့် ပမာဏ)နဲ့  ပစ္စည်းလေးတွေ အိမ်ကို ဘယ်သူများ ပို့ပေးဖို့ သတိရ မှာပါလိမ့်။ အိမ်ဖုန်းလည်း သိကြမှာ မဟုတ်ဘူး။ နံရံမှာ မှာချင်တာ တွေ စာရေး ကပ်ထားရင် ကောင်းမလား။ သို့ပေမဲ့ အခန်းဖော် သူငယ်ချင်းက ထိတ်လန့် မည်စိုးသည်နှင့် စာကပ်မည့် အစီအစဉ် ကိုတော့ အကောင်အထည် မဖော်ဖြစ်။

အိမ်ပြန်ဖြစ်သည် ဆိုတိုင်းလည်း ရန်ကုန်က မိတ်ဆွေတို့ကို ဒါနောက်ဆုံး ဖြစ်ရင် ဖြစ်မှာဟု နှုတ်ဆက် ဖူးသည်။ သူတို့တွေ၏ ဆူပူသံများကို နာခံကာ ပြန်ဖူးသည်။ ရှိသမျှ အကြွေး အကုန် ဆပ်ခဲ့ တတ်သည်။ တကယ်တော့ ခရီး လမ်းကြမ်းသည့် အတွက် သေခြင်းသည် လက်တစ်ကမ်း မှာပင် ရှိနိုင်သည် မဟုတ်လား။ သူများ တစ်တွေတော့ မသိ။ ကျွန်မကတော့ ကိုယ့်လက်ဖ၀ါး ပေါ်က အသက် လမ်းကြောင်း တစ်ဝက် တစ်ပျက်နှင့်မို့ စိတ်တုံးတုံး ချထား တတ် သူပင်။ ဒါတွေတော့ အမေ့ကို ပြောမပြ လိုတော့ ပါပြီ။ ခုပင် အမေ့မှာ မျက်နှာပျက် လှပြီ။

ကျွန်မသည် စကားလမ်းကြောင်း ပြောင်းတော့ ရ၏။ အလုပ်ခွင်က အကြောင်းများ ပြောပြ ရသည်။ အဆောင်က သူငယ်ချင်းများ အကြောင်း ပြောပြ ရသည်။ ဟာသလေးများ စွက်ကာ စကားများစွာ ပြောဖြစ်တော့ အမေ့မျက်နှာ ပြုံးရွှင် လာသည်ကို မြင်ရသည်။ အမေ စိတ်ပေါ့ပါး သွားပြီ။ ကျွန်မ ဟာသ လုပ်ပြော သည်ဟု ထင်ကာ မေ့လျော့ သွားပြီ။ သည်လိုသာ ကျွန်မ ထင်ခဲ့သည်။

အဲသည်ညက အမေ့ကို ဖက်ကာ စကား ပြောရင်းက ကျွန်မ အိပ်မောကျ သွားခဲ့သည်။ အိပ်မက်များလည်း မက်လိုက် သေးသည်။ ပျော် ရွှင်ဖွယ်အိပ် မက်များ။ အမေနှင့် အတူ လျှောက်လည် နေသော အိပ်မက်များ။

ကျွန်မ နိုးလာတော့ နံနက်ခင်း၏ အလင်းတို့ သက်ဝင်စ ပြုပြီ။ မျက်လုံး ကို ဗြုန်းဆို ဖွင့်မိတော့ အမေ့ကို မျက်နှာ ချင်းဆိုင် တိုးဖက် ထားမိသည်ကို သိရ၏။ အမေ့ မျက်နှာဆီ အကြည့် ရောက်လျှင် အမေသည် မျက်လုံးလေး ပွင့်လျက်သား။ ကျွန်မကို ဘယ်အချိန် ကတည်းကများ ငေးကြည့် နေသည်လဲ မသိ။ မျက်လုံးတွေက တစ်မျိုးပဲ။ ဘယ်သို့သော အရိပ်ဟု ဆိုရမည်လဲ။ အမည်တပ်ရ ခက်ခဲသော၊ ခံစားမှု တစ်စုံတစ်ရာ ပျော်ဝင်နေသော မျက်လုံးများ နှင့် အမေသည် ကျွန်မကို စူးစိုက် ငေးမော လျက်ရှိ၏။
“အမေ နိုးတာ ကြာပြီလား”

အမေသည် အမေးကို မဖြေ။ ကျွန်မကို တိုးဖက် လိုက်ပါသည်။

“သမီး အသက်ဆိုတာ ကုသိုလ်နဲ့ ဆက်လို့ရ တယ်သိလား။ လက္ခဏာ အရေးအကြောင်း ဆိုတာ ပြောင်းလဲ နေတယ်လို့ အမေ ကြားဖူးတယ်။ ဘာမှ စိတ်မပူနဲ့ အသက်ဆက်လို့ ရတယ်နော့”
“အမေကလည်း သမီးက ပြောပြီး မေ့တောင် နေပြီ။ အဲဒါ စဉ်းစား နေတာလား ကြည့်ဦး”

“အမေက ညက တစ်ညလုံး အိပ်လို့တောင် မရဘူးကော။ ဒီအကြောင်း တွေပဲ စဉ်းစားနေတာ”
ထိုခဏတွင် ဘယ်သို့ ခံစားလိုက်ရသည်ကို ကျွန်မ ပြောမပြ တတ်ပြီ။ ၀မ်းနည်းသော၊ ယူကျုံး မရ ဖြစ်သော၊ စကားတစ်ခွန်းကို လက်လွယ် စပယ် ပေါ့ပေါ့ပါးပါး ပြောမိခြင်းကို နောင်တရ သော စသောစသော ခံစားမှု များစွာ။ ကျွန်မ ရုတ်ခြည်း ဆိုသလို ငိုချင် လာမိသည်။

“အမေကလည်း”ဆိုကာ ရင်ခွင်ထဲ ခေါင်း ထိုးရင်း မျက်နှာကို တိုးဖွက် ထားမိ သေးသည်။
အမေသည် ကျွန်မကို ကလေး တစ်ယောက် ကို ထွေးပွေ့ ထားသည့်ပမာ သိုင်းဖက် ထားပါ သည်။ ကျွန်မမှာ မျက်ရည်ရစ်ခဲ ချင်သည်ကို မျက်တောင် ပုတ်ခတ် ပုတ်ခတ် လုပ်ရင်း ဖြေ ဖျောက်ရသည်။ အမေ့ကို သည့်ထက်ဝမ်း မနည်း စေသင့်တောပြီ။ မျက်ရည်ကို မြင်ရ၍ အမေ ၀မ်းမနည်းစေ သင့်တော့ပြီ။ သည်အကြောင်း၊ သေခြင်းတရားအကြောင်း၊ လက္ခဏာအကြောင်း နောင်ဘယ်သောအခါမျှ ရယ်စရာ လုပ်မပြော တော့ပြီ။

သေခြင်းတရားအကြောင်းများ ပြောရမည် ကို ကျွန်တော်မက အထူးအထွေ လုပ်မတွေး သည်ပဲ ထားဦး။ သည်စကားများကို ကြားရချိန် မှာတော့ အမေ့ရင်၌ နာကျင်ရသည် မဟုတ်လား။ ခွဲခွာခြင်းကို တစ်နေ့ကြုံရမည်ဆိုတာ လက်ခံထား သော်ငြား အမေ့မှာလေသံမျှကြားရလျှင်ပင် စိတ်ထိခိုက်မည် မဟုတ်လား။ သားသမီးကို စိုးရိမ်ပူပန်ရမည် မဟုတ်လား။ ဒါကို ခုမှပင် နားလည်တွေးတတ်လာသည်။ သို့သော်ပြောတုန်း  ကတော့ ပြောခဲ့မိပြီ။ နောင်တနှင့်ပင် ကျွန်မစိတ်မှာ ပြိုလဲမတတ်ဖြစ်ရသည်။

ထိုအခိုက်၌ အိမ်ရှင်အစ်မကြီး နိုးလာကာ ဧည့်ထောက်ခံစကားတချို့နှင့် နှုတ်ဆက်သည်ကို ပင် ကျေးဇူးတင်ရသည်။ အမေနှင့်အတူလာသော ခရီးဖော် အန်တီညိုက မနက်စာစားဖို့ ပြင်ဆင်ရန် နှိုးဆော်သည်ကိုလည်း ကျေးဇူးတင်ရသည်။    အဲသည့်နေ့ တစ်နေ့လုံး ရန်ကုန်မြို့တွင်း ဘုရားများ၊ ပန်းခြံများသို့လိုက် ပို့ရာတွင် ကျွန်မ သည် အမေ့မျက်နှာကိုပင် အရိပ်တကြည့်ကြည့် အကဲခတ်နေခဲ့မိသည်။ အန်တီညိုနှင့် ရယ် ကာမောကာ စကားပြောနေလျှင် စိတ်ချမ်း သာရသည်။ ပတ်ဝန်းကျင်အပေါ် စိတ်ဝင်စားစူး စမ်းလိုသည်ကို မြင်ရလျှင် စိတ်ကြည်နူးရသည်။

ကျွန်မ စိတ်ထဲရှိရာ ပြောခဲ့မိသည်များကို အမေ မေ့ဖျောက်နိုင်ပါစေ တော့။ မနက်ဖြန်ဆို လျှင် အမေ့မှာမန်္တလေးကို သွားရတော့မည်။ မန္တလေးကမှ ကချင်ပြည်နယ်ကို ပြန်ရမည်။သည် နေ့ကလေး အတူရှိနေခိုက် အမေ စိတ်ချမ်းသာ စေလိုသည်။ စိတ်ချမ်းသာ ပျော်ရွှင်နေရ သည်ဟု လည်း မြင်ရ၏။ ဒါနှင့်ပင် ကျွန်မမှာတစ် ပြန် တစ်လှည့်ကြည်နူးခြင်း ဖြစ်လာရပေသည်။
ကျွန်မ နေသောအဆောင်ကို အလည်ခေါ် သွားတော့ အခန်းကိုမြင်သည်နှင့် အမေမှာ မျက်စိ ပျက်မျက်နှာပျက် ဖြစ်ရပြန်သည်။ အခန်းလေးက ကျဉ်းလိုက်တာတဲ့။ နယ်၌ အိမ်ကျယ်ကျယ်လွင့် လွင့်နှင့် ခြံဝန်းကျယ်ထဲမှာ သစ်ပင်တွေကြားထဲမှာ သာ နေသားကျခဲ့သော အမေသည် ခုတင်နှစ်လုံး ချထားသည့်ကြားက နေရာကျဉ်းလေးမှာ ကျွန်မ တို့ အခန်းဖော်နှစ်ယောက် အချင်းချင်း ရှောင်ကာ တိမ်းကာ သွားလာရသည်ကို စိတ်မကောင်းဖြစ် နေရှာ၏။

သည့်ထက် ကျဉ်းမြောင်းသော အခန်းလေး ထဲ နေရတုန်းက အမေ ရောက်မလာခဲ့သည်ကိုပင် စိတ်ဖြေသာစရာ ဖြစ်ရသည်။

“ရန်ကုန်မှာ နေစရာကတော့ ဒီလိုပဲ အန်တီ ရေ”ဟုဆိုကာ အခန်းဖော်က ရယ်မောနေသည်။

အမေကတော့ ကျွန်မ၏ အခန်းဖော်ကို မေး ခွန်းများလည်း မေးသေးသည်။ သူရှမ်းပြည်နယ် က လာသည့်အကြောင်း၊ မိဘများ၏ အဝေးတွင် ကိုယ့်ဘ၀ကိုယ် ကြိုးစားတည်ဆောက်နေရဆဲ အကြောင်းများ သူငယ်ချင်းက ပြောပြသည်ကို ကျွန်မ အသာပင်နားထောင်နေခဲ့မိသည်။ သူနှင့် အမေကတော့ အပြန်အလှန်စကားဆိုကောင်းဆဲ။

“မိဘများက လွမ်းနေမှာပေါ့။ အိမ်လည်း ပြန်တယ် မဟုတ်လားသမီး”
“ဟုတ်၊ ပြန်ပါတယ် အန်တီ။ အန်တီ့သမီး ကိုလည်း အန်တီလွမ်းနေရမှာပေါ့ ဟုတ်လား”
အမေက ကျွန်မကို လှမ်းကြည့်ကာ ပြုံး လိုက်ပါသည်။

“လွမ်းတာပေါ့ကွယ်။ သူကြိုက်တဲ့ဟင်း ကလေးများ ချက်ရင်ပိုလွမ်းရတာကော။ တစ် ယောက်တည်းအဝေးမှာ အစားဆင်းရဲနေမလားလို့ မျိုမကျချင်ဘူး”
“အဆောင်မှာတော့ ဒီလိုပါပဲ အန်တီရေ။ ကြက်ဥများ မမြင်ချင်မှအဆုံးပဲ ရှင့်။ ဒါပေမဲ့ ဒီရွှေခေါင်းပြောင်ကို မုန်းလို့လည်းမရ စားရတာပဲ။ ကြက်သား လေး၊ ၀က်သားလေးတော့ လဆန်းရက်ဆို ပိုက်ဆံတရွှမ်းရွှမ်းထုတ်ပြီး စားထားရတာပဲ။ မှတ်မိနေအောင်လို့။ လလယ်ကျော်ရင်တော့ ပတ်ချာလည် နေတော့တာ အားလုံးပဲ”

စကားရွှင်သော၊ အရယ်သန်သော သူငယ်ချင်းက သူ့ဘာသာရယ်မောနေ ပြန်သည်။ ကျွန်မသည် သူ့ကိုဘယ်သို့ မျက်ရိပ်ပြရမည် မသိဘဲ အကြံအိုက်နေ ၏။ သူက နဂိုကစကားက ခပ်ကြွယ်ကြွယ်ရယ်။ ပြောရင်း၊ ပြောရင်းနှင့် အရှိန်လွန်လာတတ်သူ။ ခုလည်းပြောရင်းက သရုပ်မှန်များပါလာပြီ။ အမေ့ မျက်နှာ မကောင်းတော့ပြီ။
“အဲဒါကြောင့် အိမ်ကိုပိုက်ဆံမပို့နဲ့လို့ သမီးကိုပြောတာ။ ဒီမှာပဲအဆင်ပြေ အောင်နေလို့ ခဏခဏ ပြောလည်း မရ”
“အဆင်ပြေပါတယ်ဆို အမေကလည်း”

ကျွန်မ အသံမှာ တိုးလျလျ။ သည်တော့မှ သူငယ်ချင်းက အမေ့ကိုအကဲ ခတ်ကာ၊ ကျွန်မ မျက်နှာကိုအကဲခတ်ကာနှင့် စကားလမ်းကြောင်း လွှဲတော့ သည်။ သို့သော်လည်း အမေ့အကြောင်းကို ကျွန်မ သိပါသည်။ အနည်းဆုံး တော့ ကျွန်မ ပိုက်ဆံပို့ချိန်တိုင်း သည်စကားကို သတိရပြန်ပြောတော့မည်။

အဆင်ပြေပါတယ် ပြောလေ့ရှိသော သမီး လုပ်သူကို အမေက နဂိုကပင် ယုံလှသူ မဟုတ်။ ခရီးဝေးလှသော်လည်း အမေသည် ကျွန်မအတွက် ဒေသ ထွက်စားသောက်ဖွယ်များစွာ တကူးတက သယ်လာပေးသည်။ ကြာကြာ ခံမည့်ဟင်းအကြော် များစီစဉ်လာသည်။ ပြီးတော့ စွန်တန်ခြောက်များ၊ မုန်ညင်းချဉ်၊ ခေါပုတ်များ၊ မြေပဲများ။ အမေ့မှာ မလေးတတ်သလို သယ်လာ ရှာသည်။
“အဆောင်မှာ အစားဆင်းရဲမယ်ကော။ ဒါတောင် ဒီထက် သယ်လာ ပေးချင်တာ။ သမီး အဖေက နောက်လူကြုံရှိမှ ထည့်ပေးတာပေါ့ဆိုလို့”ဟု ခရီးရောက်မဆိုက်ပင် ပြောခဲ့သေးသည်။
“ဒီလောက်ဆို များနေပြီဟာ။ သမီးလည်း ဒီမှာအဆင်ပြေပါတယ်”

ပြောနေကျစကားကိုပင် ကျွန်မ အဲသည်တုန်းက ပြန်ပြောခဲ့မိသည်။ ခုတော့ အဆောင်ကို အကဲခတ်တော့ အနေအစားဆင်းရဲခြင်း၊ အခန်းကျဉ်း မြောင်းခြင်း၊ လူများ၍အသံဆူညံခြင်းတို့ကို အမေ မြင်တွေ့ရကြုံရပြီ။ ရန်ကုန် က လိုင်းကားစီးရခြင်း၏ဒုက်္ခကို အမေမြင်ရပြီ။ လူနေမှုစရိတ်ကြီးမြင့်သော၊ အပြင်ထွက်သည်နှင့်ပင် ငွေစက်္ကူလေးများကလည်း အိတ်ထဲက လိုက်ထွက် တတ်သော ရန်ကုန်ကို အမေတွေ့ရပြီ။ နောက်များတော့ ကျွန်မကအဆင်ပြေပါ တယ်ပြောတိုင်း အမေ ယုံပါတော့မလား။

အမေ့ခရီးစဉ်၏ နောက်ဆုံးနေ့သည်  ကျွန်မ အတွက်တော့ လွမ်းဖွယ် အတိသာတည်း။ အမေလည်း လွမ်းနေရမှာပဲ။ သို့သော် လတ်တလောမှာ တော့ကျွန်မက ကျန်နေရစ်ရမည့်သူ။ နှစ်များစွာ ကျွန်မ အိမ်အပြန်ကို မျှော်ခဲ့ရ သော၊ အိမ်ကအပြန်တွင်လည်း လွမ်းမောကျန်ရစ်ခဲ့သော အမေ့ကို ခုမှပင် စာနာတတ်လာသည်။
“နောက်နှစ်နွေတော့ ပြန်လာမယ် မဟုတ်လား”ဟု အမေက တာမွေအိမ် သို့ အပြန်လမ်းတွင် မေး၏။
ပြန်လာမှာပေါ့ဟု ကျွန်မက ရယ်မောကာ  ဆိုမိပါသည်။ အမေ့သမီး သည် မကြာခဏ သည်သို့ပြောမြဲပေမဲ့ ပြန်ဖြစ်ချင်မှလည်း ပြန်ရောက်လိမ့် မည်ကို အမေ ကြိုသိမည်ပင်။
ဘယ်သို့ပင် မခွဲခွာချင်သော်ငြား ခွဲရမည့် ညနေခင်းက ဆိုက်ဆိုက်မြိုက်မြိုက်ပင် ရောက် လာခဲ့လေသည်။ အောင်မင်္ဂလာ အဝေးပြေး ၀င်းအထိ ကျွန်မက လိုက်ပို့စေချင်သော်လည်း အမေကမပို့စေလို။ အပြန်မှောင်လိမ့်မည်တဲ့။ ဒါနှင့်ပင် တာမွေက တည်းတဲ့အိမ်မှာပဲ တက္ကစီ ပေါ်တင်ပေးရသည်။

ကျွန်မသည် အမေနှင့်အန်တီညို၏ ပစ္စည်း များကို တစ်ခုချင်းသယ်ပေးရင်း ငိုချင်နေခဲ့သည်။ သို့သော် မျက်ရည်ပင် မ၀ဲမိအောင် ကြိုးစားနေရ သည်။ အမေက ကျွန်မ မျက်နှာရိပ်ကို စာအုပ် လို ဖတ်တတ်သူ။

အမေ့မျက်နှာမှာလည်း နွမ်းနေသည်ကို မြင် ရ၏။ အမေလည်း ကျွန်မလိုပဲ ၀မ်းနည်းနေရှာမှာ။ ပြီးတော့ မျိုသိပ်နေမှာ။ အမေ့မျက်လုံးများက မှိုင်းပျပျ အရိပ်လေးကို တွေ့ရသည်နှင့်ပင် စကား များစွာ ပြောစရာမလိုဘဲ စိတ်နှလုံးကို မြင်ရပါ သည်။

နှုတ်ဆက်စကားများကို ဟန်မပျက်ပင် ပြောရသည်။ အမေတို့ကို ကားပေါ်တင်ပေးကာ ကားတံခါးကို ပိတ်ပေးရသည်။ ကားကလေး စထွက်လျှင် ကျွန်မလက်ပြကျန်ရစ်ခဲ့သည်။ လှမ်း မျှော်ကြည့်လျှင် အမေသည် ကျွန်မကို လည်ပြန် ငေးမောဆဲ။ လမ်းအကွေ့အချိုးလေးရောက်သည် အထိ နောက်ပြန်လှည့်ကြည့်ဆဲ။

လက်ကို ဝေ့ယမ်းပြရင်းကပင် မျက်ရည် များ စီးကျလာခဲ့သည်ကို ကျွန်မ မသုတ်မိပါ။ သုတ်ရန်လည်း မလိုတော့ပါ။ အမေ့ရှေ့တွင် မဟုတ်၍ လွတ်လပ်စွာ မျက်ရည်ကျနိုင်ပေပြီ။

အမေ ရန်ကုန် ပြန်သွားသည့်ရက်မှ ရေတွက်လျှင်ငါးရက်၊ ခြောက်ရက် လောက်နေ မှ ကျွန်မ အိမ်ကိုဖုန်းဆက်ဖြစ်ပါသည်။ အမေက မန္တလေးတွင် ဘုရားဖူး ၀င်ဦးမည် ဆိုသောကြောင့် မဆက်ဖြစ်။ အမေ ပြန်ရောက်လောက်ပြီ ထင် သည့်အချိန်ကို မှန်း၍ ဖုန်းခေါ်ရသည်။

အမေ့အသံကို ဖုန်းထဲတွင် ကြားရသည်မှာ သည်တစ်ကြိမ် ပို၍လွမ်း စဖွယ်ကောင်းနေ၏။ အမေကလည်း အရင်ထက်ပိုလွမ်းနေရပါသတဲ့။ မျက်ရည်ဝဲလာသော်လည်း ကျွန်မ ရယ်မောနေရ သည်။
အမေက စကားများစွာ ပြောသည်။ သည် တစ်ကြိမ်တွင် ကျွန်မသည် နားထောင်သူသာ။ ခရီးစဉ်အကြောင်းများ၊ ရွာက သူ့ကျောင်းသား လေးများကို လက်ဆောင်လေးများ ပေးရသည့် အကြောင်း၊ မောင်လေးကလည်း ကျွန်မကို သတိ ရနေကြောင်း၊ အဖေနှင့် မောင်လေး ထုံးစံအတိုင်း စကားနိုင်လုနေကြကြောင်း စသည်စသည်ဖြင့် စကားများစွာပြောသည်။ ကျွန်မသည် အင်း လိုက်ကာ နားထောင်နေဆဲ။

“သမီးရေလက်က အသက်လမ်းကြောင်း ဟာ ဘာမှမပူနဲ့။ အဲဒါ အသက်ဆက်လို့ရတယ် နော့။ သမီးလည်းကောင်းမှုကုသိုလ်များများလုပ်။ အမေလည်း သမီးအတွက် လုပ်ပေးနေမယ် ကြား လား”ဟု ပြောသည်ကို ကြားရလျှင် ကျွန်မသည် စကားပင် မပြန်နိုင်ဘဲ စက်္ကန့်အတော်ကြာအောင် ဆွံ့အနေခဲ့မိသည်။

အမေသည် မိုင်ရာချီဝေးကွာသောအရပ်သို့ ရောက်သည်အထိ ကျွန်မအတွက် သောကကို သယ်ဆောင်သွားမည်ဟု ကြိုသိခဲ့လျှင် ထိုစကား တစ်ခွန်းကို ကျွန်မ ဘယ်တော့မှပြောခဲ့မည် မဟုတ်။ လွန်လေပြီးသောစကားတို့သည် လေထဲ တွင်လွင့်ပျောက်သည်သာမက ကြားရသူ၏ စိတ် နှလုံး၌ပါ ခိုအောင်းတတ်သည်ကို ခုတော့ ကျွန်မ နားလည်ရပြီ။

ခုတလော ဘယ်ဘက်လက်ဖ၀ါးပြင်ကို အမှတ်တမဲ့ ငုံ့ကြည့်မိလေတိုင်း အမေ့ကို ကျွန်မ သတိတရရှိနေပါသည်။ အသက်လမ်းကြောင်း အရင်ထက် ထင်ရှားလာသည်ကို သည်နှစ်ပိုင်းမှာ ကျွန်မ သတိပြုမိ လာသည်။ နည်းနည်းတော့ ရှည်လျားလာသည်ဟုလည်း မြင်လာရပြီ။ ဗေဒင် လက္ခဏာကို အကျွမ်းမ၀င်သူမို့ ဘာသဘော ကြောင့်ရယ်တော့ နားမလည်။ အဲသည်အသက် လမ်းကြောင်းဘာကြောင့် ရှည်လျားလာသည်လဲ ကျွန်မ မသိပါ။ အမေ ကျွန်မအတွက် တကယ်ပင် အသက်ဆက်ပေးနေသလား မမေးဖြစ်ပါ။ နောက်တစ်ကြိမ် အစဖော်ရာရောက်မည်စိုးသည် နှင့်လည်းသည်အကြောင်း မပြောဖြစ်ပါပေ။

ကျွန်မသည် တကယ်ပင် အသက်ရှည်ရှည် နေရမည်လား။ မကြာလှသော အချိန်တွင်လောက ကို စွန့်ခွာရလေမည်လား။ ကိုယ်တိုင်လည်း မသိနိုင်။ ဘယ်သူမှလည်း သိနိုင်မည် မဟုတ် ပါ။ သို့သော် အမေ့ချစ်ခြင်းမေတ်္တာကို ပို၍သိမြင် ခွင့်ကြုံရသည့်အတွက်တော့ ဘယ်သို့သော အဆုံး သတ်ကို ကြုံရမည်ပင်ဖြစ်စေဦးသည်လက် ဖ၀ါးပြင်လေးကို ကျွန်မကျေးဇူးတင်နေပါသည်။

စံပယ်ဖြူနု
(Teen မဂ္ဂဇင်း ဇန်န၀ါရီလ ၂၀၁၃)