၁၉၆၂ ခုနှစ်၊ ရန်ကုန်မြို့ ဘုရားလမ်း ဘူတာရုံကလေးမှာ ရထား အသွား အလာ ကျဲပါး ချိန်မို့ တိတ်ဆိတ်လျက်။

လော်ကယ် ရထား စောင့်နေသော ခရီးသည် အနည်းငယ် ကြောင့်သာ ဘူတာရုံ လေးမှာ အသက်ဝင် နေသေး သလို မှတ်ထင် ရသည်။ မှတ်မှတ် ရရ အောက်တိုဘာ လ၏ တနင်္ဂနွေ တစ်ရက် မနက်ခင်း လည်းဖြစ်သည်။ အင်းစိန် ဘက်မှ လာသော လော်ကယ် ရထား တစ်စီး ဆိုက်လာသည်။ ခရီးသည် တချို့ ဆင်းကြ တက်ကြ သည်။ ရထားပေါ်မှ ခရီး သည် ဦးလေးကြီး တစ်ယောက် ဆင်းလာပြီး မီးရထား သံလမ်း အတိုင်းလျှောက် ခဲ့ကာ ကုန်းမို့မို့ ထက်သို့ လေးလေး ကွေးကွေး လှမ်းတက် သွားသည်။

ကုန်းမြင့် ထက်တွင် “မော်တော်ယာဉ် ပြုပြင်ရေး အလုပ်ရုံ” ကြီးရှိသည်။ ပုဂ္ဂလိက အလုပ်ရုံ ကြီးဖြစ်သည်။ ဦးလေးကြီးက အလုပ်ရုံဝင်း တံခါးမှ တစ်ဆင့် ၀င်လာ ခဲ့သည်။ တနင်္ဂနွေ အလုပ် နားရက်မို့ တစ်ဝင်းလုံး ခြောက်ခြောက် သွေ့သွေ့။ ငြိမ်ငြိမ် သက်သက်။ အလုပ်ရုံ မန်နေဂျာ ရုံးခန်း ထဲမှာတော့ ဦးလေးကြီးနှင့် အသက် အရွယ်ချင်း မတိမ်း မယိမ်း အဆီ အစ်အစ်၊ အသားဖြူဖြူ လူကြီး တစ်ယောက် ထိုင်နေသည်။သူတို့ နှစ်ယောက် တိုင်ပင်ကြသည်။

“တခြား ပုဂ္ဂလိက အလုပ်ရုံတွေ တော်တော် များများတော့ ပြည်သူပိုင် အသိမ်း
ခံနေ ကြရပြီ။ ကျုပ်တို့ အလုပ် ရုံလည်း အသိမ်း ခံရဖို့ လက် တစ်ကမ်းပဲ လိုတော့ တယ်။ နေ့လား ညလား ပဲဗျာ။ ပြည် သူပိုင် သိမ်းမှာ တော့ သေချာ တယ်”
“ဟုတ်တယ်၊ စက်ရုံ တွေရော၊ စတိုးဆိုင် ကြီးတွေ ရော၊ ရုပ်ရှင်ရုံ တွေရော အသိမ်းခံ နေကြရ တုန်းပဲ”
“စင်ကာပူက မှာထား တဲ့ မော်တော်ကား စက်အပို ပစ္စည်း တချို့ လာမယ့်သော ကြာနေ့ဆို ရန်ကုန် ဆိပ်ကမ်း ကို သင်္ဘောနဲ့ ၀င်လာတော့ မယ့်ကိစ္စ ခင်ဗျားနဲ့ တိုင်ပင် ချင်လို့ဗျာ”
“ညက ကျွန်တော် ကောင်းကောင်း အိပ်မပျော်ဘူး၊ အလုပ် ကိစ္စ တွေလည်း တောင် တွေးမြောက် တွေးပေါ့ဗျာ”
“အဲဒီ့ စက်ပစ္စည်းတွေ ရောက်လာရင် ခင်ဗျား ဘယ် လိုလုပ်မယ် စိတ်ကူးလဲ”
“ကျွန်တော်ကတော့ ဒီစက်ရုံဝင်း ထဲ အထိ ဒီပစ္စည်း တွေကို ဆိပ်ကမ်း ကနေ သယ်မလာ ချင်တော့ဘူး။ မလွဲ မသွေ စက်ရုံ တစ်ခုလုံး ကို ပြည်သူပိုင် အသိမ်း ခံရ တော့မှာ ဆိုတော့ ဒီပစ္စည်း တွေကို ဒီအထိ သယ်လာရင် လည်း ကျွန်တော်တို့ စရိတ် စက ကုန်ကျရုံပဲ ရှိလိမ့်မယ်”

“ဟုတ်တယ်လေ၊ ကျွန် တော်လည်း ဒီလိုပဲ စဉ်းစား ထားပြီးသားပါ။ ပစ္စည်းက တော့ သိပ်ဝန်မကျယ် ပါဘူး၊ ထင်းရူး သေတ္တာနဲ့ သုံးလုံးစာ ပဲ ရှိတာပါ”
“ပုဇွန်တောင် ရေကျော် ရပ်ကွက်ထဲမှာ ကျွန်တော့်ညီ တစ်ယောက် အိမ်က ကျယ် ၀န်းတယ်။ ပစ္စည်း ထားလို့ ကောင်းတယ်။ သူ့အိမ်ကို ပစ္စည်း သေတ္တာ သုံးလုံး ပို့ ထား မလားလို့”
“ကောင်းသားပဲ ကျွန်တော်လည်း ဒီအလုပ်ရုံ ကြီး ကိုယ်နဲ့ မဆိုင် တော့ရင် အနားယူ ချင်ပြီ။ ကိုယ့်မိသား စုအတွက် ဘာဆက် လုပ်ကြ ရင် ကောင်းမလဲ ဆိုတာ သူတို့ နဲ့ အေးအေး ဆေးဆေး တိုင်ပင် ကြရ ဦးမယ်။ ဒီတော့ ခင် ဗျား တစ်ခုတော့ ကူညီဗျာ။ အခု ရောက်လာမယ့် စက် ပစ္စည်း တွေက ကျွန်တော်တို့ ချွေးနည်း စာနဲ့ မှာထားတာ တွေဆိုတော့ ခင်ဗျား ပြောတဲ့ ရေကျော်က အိမ်မှာ ထားပြီး တတိ တတိ ဖြည်းဖြည်းချင်း ရောင်းလို့ရ တာလေးတွေ ထုတ် ရောင်းရင် စရိတ်တော့ ပြန်ရမှာပဲ”   

“ဒီအတွက် တော့ စိတ်ချ ပါ၊ ကန်တော်လေး တောင် ညွှန့်ဘက်မှာ ကျွန်တော့်မိတ် ဆွေ ရှိပါတယ်။ သူလည်း  ကားဝပ်ရှော့ သမားပဲ။ ပြည် သူပိုင်တွေ သိမ်းနေ တယ်ဆို တော့ သူလည်း အလုပ်နား လိုက်ပြီး ကားအရောင်း အ၀ယ်လေး ဘာလေး၊ ပစ္စည်း အဟောင်း အသစ် အရောင်း အ၀ယ်လေး ဘာလေး၊ ကော်မရှင်စား ပေါ့ဗျာ သူ လုပ်ပေး နေတယ်။ ကျွန်တော်တို့ စက် ပစ္စည်း လေးတွေ လည်း သူ့ကို ပဲ ကော်မရှင် စားပေးပြီး အကူ အညီ တောင်းရင် ရပါတယ်”

“အေးဗျာ အဆင်ပြေသ လို ကြည့်လုပ် ကြရ တော့မှာ ပေါ့။ ခဏနေ ဆယ်နာရီ ဆယ့်တစ်နာရီ သာသာလောက် ကျရင် ခင်ဗျားနဲ့ ကျွန်တော် အဲဒီ့ ကန်တော်ကလေး ဘက် သွားပြီး ထမင်းစား ကြရ အောင်။ ဟိုတစ်ခါ စားတဲ့ ထမင်းဆိုင်က ဆိတ်ပဲဟင်း တော်တော် ကောင်းတယ်၊ အဲဒီသွား ကြတာပေါ့။ စား သောက်ပြီးမှပဲ အင်းစိန်ကို ခင်ဗျား ပြန်ပေါ့ဗျာ။ အခုဖြစ် ပျက်နေတဲ့ ပုဂ္ဂလိက စီးပွားရေး လောကကြီး ရဲ့အခြေအနေ အရ ဆိုရင်တော့ အလုပ်ရုံ တစ်ရုံလုံး ဒါဟာ နှုတ်ဆက်ချိန် ရောက်နေပြီ”

“ဟုတ်တယ်၊ ဇာတ် သမားတွေ စကားနဲ့ ပြောရ ရင် ဇာတ်ခေါင်းကွဲ ချိန်ပေါ့ ဗျာ”
အဆိုပါ ဦးလေးကြီး နှစ်ယောက်၏ ပစ္စည်း အရောင်း အ၀ယ် ကိစ္စမှာ မလွဲ မသွေပါ ၀င်ခဲ့ရ သူနှစ်ဦး ကတော့ ကွယ် လွန်သူ ကျွန်တော့် ယောက္ခမ ကြီး ဦးအုန်းဖေနှင့် ကျွန်တော် ကိုယ်တိုင်ပဲ ဖြစ်ပါ၏။ သူ့ သမီး ကလေးနှင့် ကျွန်တော် အိမ်ထောင်ကျ ခါစက သူ့အိမ် မှာ စည်စည် ကားကား၊ သိုက်သိုက် ၀န်းဝန်းနှင့် မော်တော် ကားဝပ်ရှော့ လုပ်ငန်း ရှိပါ သေး၏။ ကျွန်တော် ကိုယ်၌ က သည်အလုပ် တွေကို စိတ်ဝင်စား သဖြင့် မြင်ဆရာ၊ ကြားဆရာ များထံမှ ပညာ လည်း သင်ရင်း ၀ိုင်းဝန်းလုပ် ကိုင်ခဲ့မိ၏။ နောက်ပိုင်းကျ တော့ ကျွန်တော်တို့ အလုပ်ရုံ လေးလည်း ဇာတ်ခေါင်းကွဲ ခဲ့လေပြီ။ ယောက္ခမကြီးနှင့် ကျွန်တော် လမ်းပေါ် ရောက် သွားကြ၏။ သူ့နောက်က အဖော် လိုက်ရင်း အရောင်း အ၀ယ် လောက ထဲ တ၀ဲလည် လည်။ ဟိုအိမ် သည်အိမ်မှ ရင်းနှီးသော မိတ် သင်္ဂဟ တချို့ က ကားပြင်စရာ ရှိလို့ လာ ခေါ်ရင်လည်း သူနှင့် ကျွန်တော် သွားကာ ကြားပေါက် ၀င်ငွေ လေးတွေ ရတတ်ပါ သေး၏။ အဘိုးကြီးက ရရ စားစား ပျော်ပျော် ပါးပါး သမားကြီးမို့ ကျွန်တော့် အတွက်တော့ ဦးနှောက် ခြောက်စရာ သိပ်မရှိ လှပါ။ ယခုလည်း သူနှင့်ကျွန်တော် ပုဇွန်တောင် ရေကျော် ရပ်ကွက် ထဲက အိမ်တစ် အိမ်သို့ မကြာ ခဏ ရောက်ကြရ ပြန်သည်။ မော်တော်ကား စက်ပစ္စည်း တချို့ကို ကျွန်တော်တို့က ကော်မရှင်စား ရောင်းပေးကြ ရပါသည်။ ပုဇွန်တောင် ကြက်တန်း၊ စက်မှုလက်မှု အ၀န်းအ၀ိုင်း၊ ရန်ကုန် အနောက်ပိုင်း၊ လမ်းမတော်၊ လသာ ဘက်မှ စက်မှု လက်မှု နယ်နိမိတ် တွေမှာ အရောင်း အ၀ယ် ဖြစ်နေဆဲပါ။ တစ်မနက် ခင်းတွင် ယောက္ခမကြီး နှင့် ကျွန်တော် ရေကျော်ရပ် ကွက်သို့ ကျွန်တော် တို့နေ သော တောင်ညွန့်မှ တစ်ဆင့် ပုဇွန်တောင် ဘူတာနှင့် ရန်ကုန် ဘူတာကြီး ကြား မီးရထား သံလမ်းများကို ဖြတ် ကျော်ကာ ခြေလျင်လျှောက် သွားကြရာ ရေကျော် လွတ်လပ်ရေး ဘုန်းတော်ကြီး ကျောင်းအနီး ရေမြောင်းကြီး ၌ ရှမ်းဘောင်းဘီ အညိုရောင် စွပ်ကျယ် လက်စက အဖြူ ရောင်၊ အသား ညိုညို၊ ကိုယ်လုံး ထွားထွား၊ နှုတ်ခမ်းမွှေး ကားကား၊ အရုပ်ဆိုးဆိုး လူကြီး တစ်ယောက်နှင့် ဆုံမိ ကြ ၏။

“ကိုညိုအေး ဒီနေ့ ကား ရိုက်မရှိ ဘူးလား”
ယောက္ခမကြီးက တရင်းတနှီး နှုတ်ဆက်သည်။
“အေးဗျ ဒီနေ့ နားတယ်၊ ဒါနဲ့ ကိုအုန်းဖေတို့ ဘယ်လာ ကြတာလဲ”
ရုပ်ရှင် သရုပ်ဆောင် လူကြမ်း ဦးညိုအေး ကြီးက မေး သဖြင့် ရေကျော် ရပ်ကွက်ထဲ ခဏလာ ကြကြောင်း ပြောပြ သည်။ ဦးညိုအေးကြီး ၏ အိမ်မှာ တစ်ထပ် သွပ်မိုး၊ ပျဉ်ထောင် အိမ်ကလေး ဖြစ်ပြီး ရေကျော် ရပ်ကွက် ထဲမှာပင် ရှိသည်။

“ကိုလှမောင်နဲ့ တောင် မတွေ့တာ ကြာပြီ”
ဟု ဦးညိုအေးကြီးက ပြောတော့
“တစ်နေ့ည ကတောင် ကျွန်တော့်အိမ် လာသွားသေး တယ်”
ဟု ယောက္ခမကြီးက ပြောသည်။ ဦးညိုအေးကြီး ပြောသည့် ကိုလှမောင် ဆိုသူ မှာ ရုပ်ရှင် ဟာသ သရုပ်ဆောင် ဒါရိုက်တာ ဦးသန်းနွဲ့ ဖြစ်ပြီး ကျွန်တော့် ယောက္ခမကြီး ၏ ငယ်သူငယ်ချင်း မန္တလေးသား လည်း ဖြစ်သည်။ ဦးသန်းနွဲ့ ၏ ကျွန်တော့် ဇာတ်လမ်း ဟာ ရုပ်ရှင် ဇာတ်ကား ရိုက်တော့ ကျွန်တော့် ယောက္ခမကြီးက “ကျောင်းဆရာ”နေရာမှ ဇာတ်ဝင်ခန်း တစ်ခန်း ၀င်ရိုက် လိုက်သေးသည်။ ဇာတ်ဝင် ခန်းတွင် ဦးသန်းနွဲ့က ကျောင်းသား။ လူပျော် လူ နောက်။ ယောက္ခမ ကြီးက ကျောင်းဆရာ။ ပျော်စရာ ရွှင်စရာ ကောင်းအောင် ရိုက်ကူး ထားခြင်း ဖြစ်သည်။ ကျွန်တော့် ယောက္ခမ ကြီးမှာ ရုပ်ရှင် လောကသား များနှင့် ရင်းနှီး သော်လည်း ၀ါသနာ အလျောက် သာ တစ်ခါ တစ်ခါ ပါဝင် သရုပ်ဆောင်ပြီး တခြား မော်တော်ကား လောက၊ အရောင်း အ၀ယ် လောက ထဲမှာသာ တ၀ဲ လည်လည် ဖြစ်နေ သူပင်။ ယခုလည်း ဦးညိုအေးကြီး က...

“ကိုအုန်းဖေ အချိန်ရ လား၊ ခဏလောက် ကျွန်တော့် အိမ်လိုက်ခဲ့ ပါဦးလား။ ကျွန်တော်တို့ လူကြမ်း အုပ်စု တိုင် ပင်ပြီး ဇာတ်ကား တစ်ကား ရိုက်ကြမလို့။ ခင်ဗျားနဲ့ လည်း ကြုံတုန်း တိုင်ပင် ချင်တယ်”
ဟု ဆိုသဖြင့် သူ့အိမ်သို့ ခဏ ၀င်ကြသည်။ သူ့အိမ်ရှေ့ မျက်နှာ စာလေး မှာပင် ရေနွေး ကြမ်းသောက်ကာ စာရွက်သုံး လေးရွက်ကို ဖတ်ကြ ရသည်။

“မင်းသား ကတော့ ကို အေးကြည် ပေါ့ဗျာ”
ဟု သူ့ဇာတ်လမ်းစာ ရွက်များကို ကျွန်တော့် ယောက္ခမကြီးက ယူဖတ်နေ ဆဲတွင် ဦးညိုအေး ကြီးက ပြောသည်။ ကိုအေးကြည် ဆို သူမှာ လူကြိုက် အလွန် များပြီး နာမည်လည်း အလွန်ကျော်  ကြားသော တောကြိုက်၊ မြို့ ကြိုက် နှစ်မျိုး ကြိုက် ရုပ်ရှင် မင်းသား ရွှေဘဖြစ်သည်။ ဦးရွှေဘ လည်း တစ်ချိန်တုန်း က သည်ရေကျော် ရပ်ကွက် ထဲက ဦးလေး တစ်ယောက် အိမ်မှာ နေသွားခဲ့ ဖူးသည်။ သူ ရုပ်ရှင် မင်းသား မဖြစ်မီက ရေကျော်ဈေး ထဲတွင် ဆိုင် ထိုင်ကာ သံဖြူလုပ်ငန်း လုပ် ခဲ့ဖူးသည်။ ဦးရွှေဘက ပုသိမ် ဇာတိ။ ပုသိမ်သား၊ ရန်ကုန် ရောက်တော့ ရေကျော် မှာနေ ရင်း သံဖြူဆရာ လုပ်ကာ အားလပ်သည့် အခါ ကာယ ဗလ၊ အလေးမ၊ ခြင်းလုံးခတ် အားကစား လေ့ကျင့်သည်။ နာမည်ကျော် လက်ဝှေ့သမား အားကစား ဆရာကြီး ကျား ဘညိမ်း ထံတွင် တပည့်ခံကာ လက်ဝှေ့ထိုး လေ့ကျင့်သည်။ နောက်ပိုင်းတွင် ရုပ်ရှင်လော ကထဲ ရောက်သွားခဲ့ သူဖြစ် သည်။

“ကျွန်တော်တို့ စဉ်းစားထားတဲ့ ဇာတ်လမ်းကတော့ ခင်ဗျား အခုဖတ် နေတဲ့ အတိုင်းပဲ။ ကိုအေးကြည်က တောသား ပေါ့ဗျာ။ တောမြို့ တစ်မြို့က ဆန်စက် သူဌေး တစ်ယောက်က အလုပ်ဝင် လုပ်တယ်။ နောက်တော့ကာ ဘွဲ့ရ ပညာတတ် သူဌေး သမီးနဲ့ တွေ့တယ်။ ကျွန်တော် တို့လူကြမ်း အုပ်စုက သူဌေး သမီးကို ပြန်ပေး ဆွဲပြီး သူဌေးကြီးကို ငွေညှစ်ကြတယ်။ ကိုရွှေဘ ကြီးက ကျွန်တော်တို့ အားလုံး  ကို တစ်ယောက်ပြီး တစ်ယောက် ဖြိုခွင်းတယ်။ သူဌေး သမီးကို ကယ်တယ်။ လူ ကြမ်း များများ သုံးပြီး ဖိုက်တင် တွေ များများထည့် ထားတယ်”
ဟု ဦးညိုအေးကြီးက ပြောပြသည်။

“အင်းပေါ့ ဒါမှလည်း ပရိသတ်က ကြိုက်ကြမှာ ပေါ့။ ကိုရွှေဘ ပါရင် ဖိုက် တင် အက်ရှင် တွေက ပါကိုပါ မှ ရမှာ လေဗျာ။ ဒီကြားထဲမှာ ဟာသ အကွက် ကလေး နည်း နည်းပါးပါးကော မထည့်ချင် ဘူးလားဗျ”
ကျွန်တော့် ယောက္ခမ ကြီးက မေးတော့ ဦးညိုအေး ကြီးက-
“ကိုအုန်းဖေ စဉ်းစားလို့ ပေါ်တဲ့ အကွက် ကလေး ရှိရင်  ထည့်ချင်တာ ထည့်ပေးသွား ပါဦး”
ဟု ပြောသည်။
“ဒီလိုဆို ကောင်းမလား လို့ဗျာ၊ ကိုရွှေဘ အလုပ်လုပ် နေတဲ့ အိမ်က သူဌေးကြီး ရဲ့သမီး က ရန်ကုန်မှာ ကောလိပ် ကျောင်းသူ ဆိုတော့ ကျောင်း ပိတ်ရက် တောမြို့ကို ရထား နဲ့ ပြန်လာတယ်။ ကိုရွှေဘက နွားလှည်းနဲ့ ဘူတာ ဆင်းကြို တယ်။ ဒီနေရာမှာ ဟာသ လေးထည့် လို့ရတယ်”
“ဘယ်လို ထည့်မလဲ”
“သူဌေးသမီး နဲ့ကိုရွှေဘ နဲ့က တစ်ခါမှ မဆုံဖူး၊ မမြင် ဖူးကြ သေးဘူးဆို မဟုတ်လား”
“အင်း အဲဒီလို ဇာတ်ကို အစ ပျိုးထားတယ်”
“ဒါ ဟာသ ထည့်လို့ ကောင်းတဲ့ အကွက်ပဲ။ သူ မမြင်ဖူး သေးတဲ့ သူဌေးသမီး ကို ဘူတာရုံ ထဲက လူတွေ ကြားထဲမှာ လာကြိုရတဲ့ တောသား ကိုရွှေဘက အော် ခေါ်မယ်ဗျာ”
“ဘယ်လို ခေါ်မှာလဲ”
“ဗျို့ ရန်ကုန်က ဘေဘီ၊ ဒီမှာဗျို့ လှည်းလာ ကြိုတယ် ဗျို့ ရန်ကုန်က ဘေဘီ ဆိုပြီး အော် ခေါ်တယ်။ ရန်ကုန်ကော လိပ်မှာ တက်နေတဲ့ ကော လိပ်ကျောင်းသူ ခေတ်ပညာ တတ်ဆိုတော့ ကောင်မလေး က လူကြား သူကြားမှာ သူ့နာမည် အော် အော်ပြီး ခေါ်နေ တာ ရှက်သွားတဲ့ အခန်းက ဟာသ ပဲဗျ။ ရှင် ဘာဖြစ်လို့ ဒီလောက်တောင် ကျွန်မနာမည် ကို အော်ခေါ် နေရတာ လဲဆိုပြီး ရန်တွေ့တဲ့ အခန်း ထည့်မယ် ဗျာ။ ကိုရွှေဘကြီးက တော သား စတိုင်လ်နဲ့ ဂွကျကျ ပြန် ပြောရမှာက ဒီမှာ ကောလိပ် ကျောင်းသူကြီးရဲ့ ခင်ဗျားက လည်း ကျုပ်ကို မသိ၊ ကျုပ် ကလည်း ခင်ဗျားကို မသိ၊ ဒီတော့ အော်ပြီး အသံပြုရ တာပေါ့ဗျ။ ခင်ဗျား နာမည် အော်မခေါ် စေချင်ရင် လည် ပင်းမှာ ဘေဘီ ဆိုပြီး စာချိတ် ဆွဲထား ပေါ့ဗျ ဆိုတဲ့ ဟာသ အကွက်လေး ပေါ့ဗျာ”

“ကောင်းတယ် ကိုအုန်း ဖေ၊ အဲဒါလေး ဇာတ်ညွှန်း ရေးဆရာကို ဒိုင်ယာလော့ဂ် ထဲမှာ ထည့်ရေး ပေးပါလို့ ကျုပ်တို့က ပြောရမှာ ပေါ့ဗျာ”
“ကိုညိုအေးကြီး တို့က  လူကြမ်း တော်တော် များများ ထည့်ထားတယ် ဆိုတော့ ဘယ် သူတွေများလဲဗျ”
“သူဌေးသမီး ဘေဘီ လေးကို ပြန်ပေး ဆွဲပြီး ရော်ဘာတော အုပ်ကြီးထဲက အိမ် ပျက်ကြီး ခေါ်သွား ကြတဲ့နေ ရမှာ လူကြမ်း ပေါင်းစုံထည့် ဖို့ စဉ်းစားထား ကြတယ်။ ကျွန်တော်နဲ့ အတူ ကိုစန်းဟန် ကြီး၊ ကိုသိန်းဟန်ကြီး၊ ကို ချစ်တင်ကြီး၊ ကိုရာဇာနဲ့ ချီး ဗူးလည်း ပါမယ်၊ ပြီးတော့ ကိုကျော်ဇောကြီး လည်း ပါ မယ်”
ဦးညိုအေးကြီး က ပြော ပြသည်။ သူတို့ ရုပ်ရှင် လူကြမ်းများ ထဲတွင် ဦးအောင် ကြီး၊ ဦးလှမောင်ကြီး၊ ဦးလှ မောင်လေးနှင့် ဦးကျော်ဇော ကြီးတို့မှာ တစ်ခါတစ်ရံ ဒါရိုက်တာ နေရာမှ ကားရိုက်လေ့ ရှိ ကြပါသည်။ ကျွန်တော် ကျောင်းသား ဘ၀၊ ရန်ကုန် အလုံ စူပါဘင် လမ်းတွင် နေ စဉ်က လူကြမ်း၊ဒါရိုက်တာ  ဦးကျော်ဇောကြီးနှင့် အိမ်နီးချင်း နေခဲ့ဖူးသည်။ ဦးညိုအေး ကြီးကျတော့ ထင်ထင် ပေါ် ပေါ် ဒါရိုက်တာ ၀င်မလုပ် သော်လည်း ဘေးမှ နေ၍ ယခု လို ဇာတ်လမ်း ဇာတ်ကွက် ရှာဖွေစဉ်းစား ပေးပြီး ကုမ္ပဏီ များကို ကူညီတတ် ပါသည်။

“မင်းသား ကတော့ ပရိသတ် အကြိုက် ကိုရွှေဘ ဆို တာ ဟုတ်ပါပြီ။ မင်းသမီးကို ဘယ်သူများ ခင်ဗျားတို့ စဉ်းစား ထားကြသလဲ”
“မျက်နှာသစ်၊ တက် သစ်စထဲက လှလှပပ သွက်သွက် လက်လက် တစ် ယောက်လောက်တော့ ရှာရ မှာပေါ့”
“မင်းသမီး အသစ်ဆို တော့ ပရိသတ် လက်ခံအား ပေးပြီး ချစ်အောင် ဇာတ် လမ်း ဇာတ်ကွက်က ပို့ပေးဖို့ လည်း ခင်ဗျား တို့ဘက်က လိုလိမ့်မယ်ဗျ”
“အင်း ဒါတော့ မခဲ ယဉ်းပါဘူး။ ဒါကကျွန်တော် တို့လူကြမ်း တွေရဲ့ အပိုင်း ကဏ္ဍပေါ့ဗျာ”
“ဘယ်လို အပိုင်း ကဏ္ဍ လဲဗျ”
“ကိုအုန်းဖေလည်း သိ ပြီးသားပါ။ ကျွန်တော်တို့ မြန်မာ လူမျိုးများ ဟာ အားနည်းတဲ့ သူအပေါ်မှာ အရမ်း ကရုဏာ ထားတတ်၊ သနား တတ်ကြတယ်။ ဒီတစ်ချက် ဒီတစ်ကွက် ပေါ်မှာ ကျွန်တော် တို့က မင်းသမီးကို ပရိသတ် ဘက်ပါအောင် ပံ့ပိုး ကြရမှာ။ ဇာတ်လမ်း အရ မင်းသမီး ကို ပြန်ပေး ဆွဲပြီး အိမ်အိုအိမ်ပျက် အိမ်ဟောင်းကြီးထဲမှာ ပိတ် လှောင်ထားရုံတင်မကဘူး။ ကျွန်တော်တို့ လူကြမ်း အုပ်စု က ဒီကလေး မလေး စိတ်ဆင်း ရဲအောင် အမျိုးမျိုး ခြိမ်းခြောက် နှိပ်စက် ညှဉ်းပန်းကြ ရမှာကိုး။ အဲဒီ ပြကွက်တွေ ကြည့်ပြီး ပရိသတ်က ဒီ ကလေး မလေးကို ကျွန်တော်တို့ လက်ထဲက လွတ်မြောက် စေချင် လာကြ လိမ့်မယ်။သနားလာ ကြလိမ့်မယ်။ ကရုဏာဖြစ် လာကြလိမ့်မယ်။ ဒီ လိုနည်းနဲ့ ကျွန်တော်တို့ အပိုင်း က သရုပ်ဆောင် ကြရ မှာကိုး”

“အင်း ဒါကတော့ ခင် ဗျားတို့ရဲ့ ပညာပိုင်း ပေါ့ဗျာ၊ ကဲ နောက်မှ ၀င်ခဲ့ ဦးမယ်၊ ဟိုဘက် နားက ဇီဇ၀ါ လမ်းထဲ အရောင်းအ၀ယ် ကိစ္စလေးရှိ လို့ ကျွန်တော်တို့ သွားလိုက် ဦးမယ်”
ဦးညိုအေးကြီး ကို နှုတ်ဆက်ကာ ရေကျော် ဇီဇ၀ါ လမ်းဘက်သို့ ကျွန်တော်တို့ နှစ်ယောက် ထွက်ခဲ့ကြသည်။

တစ်ည။ အရောင်း အ၀ယ်ကိစ္စ အတွက် ပိုက်ဆံရ စရာ ရှိသဖြင့် ကျွန်တော်တစ် ယောက်တည်း ရေကျော် ဇီဇ ၀ါ လမ်းထဲက အိမ်သို့ လာခဲ့ သည်။ အပြန်လည်း ကျွန် တော် နေထိုင်ရာ မင်္ဂလာ တောင်ညွန့် ရပ်ကွက်သို့ လမ်း လျှောက်ပြန် ခဲ့သည်။ ရေ ကျော် ရထားလမ်း ကလေးမှာ မှောင်ရိပ် နည်းနည်းကျ နေပြီး ရထားလမ်း ဘေးတွေ ပိန္နဲပင် ကြီးတစ်ပင်က အုပ်မိုး ထား သည်။ ထိုနေရာ ဆီမှ ကြား လိုက်ရသည်က မယ်ဒလင် တီးခတ်နေ သံသဲ့သဲ့။ ဟုတ် ပါရဲ့။ ရထားသံ လမ်းပေါ် တွင်ထိုင်ကာ လူတစ်ယောက်  ဂီတ သံစဉ်  အေးမြမြကို လှပ စွာ တီးခတ် ပုံဖော် နေပါလား။  သူ့အနား ရောက်မှ ကျွန်တော် အံ့အားသင့် သွားသည်။ ရုပ် ရှင်လူကြမ်း ဦးညိုအေးကြီး ပါလား။ သူက သီချင်း မညည်းဘဲ ဂီတ တီးလုံးလေး များကိုသာ လက်ကွက်ခပ် စိပ်စိပ်ဖြင့် တို့ခတ် နေသည်။ သူက ဆေးပြင်း လိပ်ခဲထား သည်။ ကျွန်တော်က အစီခံ မပါသော ခပေါင်း စီးကရက်ကို ဖွာရင်း သူ့ဘေးမှာ ၀င်ထိုင်  လိုက်သည်။

“ဦးလေးက ဂီတ လည်း ရတာပဲ။ ရုပ်ရှင်ထဲ မှာလည်း ရိုးရိုး တန်းတန်း အဖေခန်း၊ ဦးကြီးခန်း ကနေ၊ လူကြီး မိဘ နေရာက ၀င် မလုပ်တော့ ဘူးလား”
ဟု မေးမိသည်။
“မရတော့ဘူးကွ၊ ပရိ သတ်က ငါတို့ကို လူကြမ်း ဆိုတာပဲ ယုံကြည် ထားကြ တာ။ ဒီလောကထဲ ၀င်တော့ ငါတို့ ရွေးလိုက်တဲ့ လမ်းကြောင်း ကိုက လူကြမ်း လမ်းကြောင်း လေကွာ။ ငါတို့ရထားတဲ့ ထမင်းစား လက်မှတ်က လူ ကြမ်း လက်မှတ် လေကွာ။ ပရိသတ် နားလည် ထားတာက လည်း ဒီအတိုင်းပဲ။ အဲဒီ့လမ်း ကြောင်းကို လွှဲပြီး တခြား ဘာအကွက် နဲ့ပဲ မိုးပျံအောင် လုပ်ပြ လုပ်ပြ၊ ပရိသတ်က တော့ ဆောရီးပဲ Sorry ပဲ။ ညိုအေးကြီးကို သူတို့ ယုံတာ လူကြမ်း ဆိုတာပဲ ယုံတာ။ တခြားဟာ ဘာမှ မယုံကြ တော့ဘူး။ ဒါလည်း ဘာ ကြောင့်လဲ ဆိုတော့ ကိုယ်ဖော် တဲ့ ဆေးလေကွာ။ ကိုယ်ဖော် တဲ့ဆေးတော့ ကိုယ် မြည်း ကြည့်ရ တော့မှာပေါ့၊ ကိုယ် က စားရ တော့မှာပေါ့”

ဟု သူက ပြောနေ သည်။ မလှမ်း မကမ်းမှ သူတို့ အိမ်ကလေး ဆီသို့ ကျွန် တော် လှမ်းကြည့်တော့ ပြတင်း တစ်ချပ်ဟနေကာ မီးရောင် လက်လက်ကို မြင်လိုက်ရ သည်။

ဘ၀ အကွေ့တချို့မှာ သင့်နိုးရာရာ လမ်းကြောင်း လေးတွေ ကျွန်တော့် အတွေး နှင့် ကျွန်တော် ရွေးခဲ့သည်။ ရွေးချယ် ခဲ့သည်။ လျှောက်ခဲ့ သည် ကိုယ်ပြုသောကံ ပဲ့ တင့်သံ ကိုယ်ထံ ပြန်လာ သမျှ စိတ်ချမ်းသာ ရတာ လည်း ရှိသလို စိတ်ဆင်းရဲ ရတာလည်း ခဏခဏ။ တစ် ချိန်က ဦးညိုအေးကြီး ပြောခဲ့ သလိုပါပဲ။ ကိုယ် ဖော်တဲ့ဆေး တော့ ကိုယ်ကိုယ် တိုင်ပဲ မြည်းကြည့် နေရ တော့တာ ပေါ့။ ကိုယ်ကိုယ်တိုင်ပဲ စားကြည့် ရသေး တော့တာ ပေါ့။ ပူလောင် စပ်ခါး ကိုယ့် ရဲ့ကံတရား ပဲပေါ့။ မည်သို့ပင် ဖြစ်စေ လမ်းကြောင်းလေး တွေ တစ်ခုခု ရွေးမိ၊ လျှောက် မိလေတိုင်း ဦးညိုအေးကြီးကို  သတိရ မိသည်။ ပြီးတော့ သူ့ ရဲ့ မှတ်မှတ်ရရ ဒဿနအတွက် သူ့ကို ကျေးဇူး တင်ပါသည်။

ဆောင်းဝင်းလတ်
(ရွှေအမြုတေ မဂ္ဂဇင်း ဒီဇင်ဘာလ ၂၀၁၂)