ကောင်းတော့ ကောင်းပါရဲ့။ ဒါပေမဲ့ လူကြီးတွေကို သက်သက်မဲ့ ဒုက္ခပေးတဲ့ ဥပဒေ။

အသက် ၁၈ နှစ် မပြည့်သေးလို့ ကလေးမို့လို့ ဆိုပြီး လုံးဝ မရောင်းပေးတော့ စီးကရက် အရက်လည်း ၀ယ်ခိုင်းချင်လို့ မရ။ ထီတောင်မှ ထိုးခိုင်းလို့မရ။ တကတဲ သမီးကလေး တစ်ယောက် မွေးထားမိပါတယ် တော်။ ကျောင်းကလည်း မထားလို့ မဖြစ်။ အပို ၀င်ငွေကလေး တစ်ဖက် တစ်လမ်းက ရရာရကြောင်း ကျောင်းနားချိန်နဲ့ ကျောင်းအားရက်တွေမှာ အချိန်ပိုင်း အလုပ်ကလေး ၀င်လုပ်ခိုင်းချင်လို့လည်း ဥပဒေကို ကြောက်ပြီး အလုပ် ပေးရဲမယ့်လူ မရှိ။ ဇွန်းလည်း မဟုတ်၊ ခက်ရင်းလည်း မဟုတ်၊ လှီးလို့ ဖြတ်လို့လည်း မရတဲ့ စားပွဲတင် ဓားလိုဟာမျိုး။

သမီးကိုရော၊ အစိုးရရဲ့ ဥပဒေကိုရော မျက်စောင်းခဲလိုက်ပြီး တစ်ဖက် လမ်းထိပ်က Corner Store ရှိရာဘက် Sasha ပြန်ထွက်လာခဲ့တယ်။ Bus ကား Schedule အရဆိုရင် သည်မှတ်တိုင်မှာ Sasha တို့လိုက်ရမယ့် #၂၀၃ ဆိုက်လာဖို့က နောက်ထပ်ဆယ်မိနစ်လောက် လိုပါသေးတယ်။ ဆိုင်ကလည်း လမ်း တစ်ဖက်ကူးရဦးမှာပေမဲ့ လှမ်းမြင်နေရ တာပဲ။ ဝေးလှ ခဲတစ်ပစ်စာ ရှိတော့ မပေါ့။ ဘီယာ သံဘူးကလေးတစ်ဘူး လောက် ပြေးဝယ်လိုက်ရတာ ဘာကြာမှာ မှတ်လို့။ ဒါပေမဲ့ သမီးက စိတ်ပူ တယ်။ မှတ်တိုင်မှာ တစ်ယောက်တည်း လည်း မနေရစ်ခဲ့ရဲချင်ဘူး။ စဉ်းစား ကြည့်တော့ သည်ကနေ လမ်းထိပ်ကို ပြန်လျှောက်ဦးဟယ်၊ လူကူးမီးစိမ်း ရုပ်ပြမှ လမ်းဖြတ်ကူးဦးဟယ်နဲ့ အသွား အပြန်။ ပြီးတော့လည်း အမေ သောက်နေကျ ပေါချောင်ကောင်းဆိုတဲ့ ခွေးခေါင်းနီ တံဆိပ် ဘီယာက ၀ယ်နေကျဆိုင်မှာ မဟုတ်တော့ ဟိုးအတွင်းဘက်ထဲက စင် တွေအထိ လိုက်ရှာချင် ရှာနေရဦးမှာ ရယ်။

ပြီးတော့လည်း အမေ့လို ဆင်းရဲ သား “ဂျိုး”တွေသာ သောက်တတ်တဲ့ သည်ခွေးခေါင်းနီက အရက်မျိုးစုံ ရှိတတ် တဲ့ Liquor ဆိုင် မဟုတ်ရင် သာမန် ကုန်စုံဆိုင်အတော်များများက တင်မ ရောင်းတတ်ကြဘူး။ အမေနဲ့ လိုက်ရနေ ကျဆိုတော့ သမီး သိတယ်။ ပြီးတော့လည်း တွေ့ဦးတော့၊ ဆိုင်မှာ ၀ယ်သူ ကျနေရင် ပိုက်ဆံပေးဖို့ကိုပဲ တန်းစီ စောင့်ဦးဟယ်၊ မှတ်တိုင် ပြန်လျှောက်ရဦးဟယ်နဲ့။ မတော် သည်ကြားထဲ ဘတ်စ်ကားရောက်လာရင် ဒုက္ခ။ စိတ် မောရတယ်။

“အမေ့ မြန်မြန်လုပ်ဗျ။ အပြင် လေ တိုက်ထဲမှာ ရပ်နေရတာ အေးတယ်”

သမီး လှမ်းပြောလိုက်တာကို ကြားတယ်ဆိုတဲ့ သဘောနဲ့ ပြန်လှည့် ပြောမနေတော့ဘဲ လက်မြှောက်ပြရုံသာ ပြပြီး Sasha လည်း အောက်ငုံ့ သုတ်သုတ်လျှောက်ပါတယ်။ ဘတ်စ်ကားက သည်လို စနေ၊ တနင်္ဂနွေ မဟုတ်တဲ့ ပုံမှန် Week Days တွေမှာဆိုရင် ၁၅ မိနစ်မှ တစ်စီးနှုန်းလာနေကျဆိုတာ Sasha သိပါတယ်။ ဘတ်စ်ကားမောင်း သမားတွေက စည်းကမ်းမရှိ အချိန်မတိ ကျ မမောင်းတတ်ကြပါဘူး။ ပေးထား တဲ့ Schedule အတိုင်း မမောင်းရင် အချိန်နဲ့ သွားလာ အလုပ် လုပ်နေကြရတဲ့ ရုံးသမား၊ အလုပ်သမားတွေက တိုင်ကြ အကြောင်း ပြကြတော့မှာပါ။ ပြဿနာ တက်ခဲ့ရင် နစ်နာကြေး လျော်ကြေးလည်း ပေးရဦးမယ်။ အလုပ်လည်း ပြုတ်ဦး မယ်။ မလုပ်ရဲပါဘူး။ အချိန်တန်ရင် ရောက်လာပါလိမ့်မယ်။ မီပါတယ်။ မလွတ်နိုင်ပါဘူး။

ဒါပေမဲ့ အန္တရာယ်က သိတယ် နော်။ မနေ့ကနဲ့ သည်ကနေ့မနက် နှင်း ထပ်မကျတော့ပေမဲ့ သည်ကြားထဲ မိုး မရွာတော့ လမ်းဘေးလူလျှောက် Side Walk တွေပေါ်မှာ ကျထားတဲ့ နှင်းတွေရဲ့ ထုက ကြိုးပျောက်ခြေတံရှည် Boot ဖိနပ် ခြေဖမိုးတစ်ခုလုံး မြုပ်လောက်တဲ့ အထိ ထူနေသေးတယ်။ အရည်ပျော်ပြီး မြောင်းထဲ စီးဆင်း မသွားကြသေးတဲ့ အပြင် တစ်ရက်နေ ထွက်လိုက်တဲ့ အတွက် အောက်ခြေက ရေခဲပြင် ဖြစ် နေလောက်ပြီ။ ဆောင့်နင်းပြီး သတိထား မလျှောက်လို့ကတော့ ဗိုင်းခနဲ ချော်လဲပြီ ကွဲပြီသာမှတ်။ သည်လိုနဲ့ တစ်ဆောင်းတစ်ဆောင်းမှာ အမေ့လို ပေါင်ချိန်နှစ်ရာ ခန္ဓာကိုယ် ပိုင်ရှင်တွေ တင်ပါးဆုံရိုး ကျိုးကြရပေါင်း၊ ခေါင်းကွဲ ဆေးရုံ ရောက်ကြရပေါင်း များကြရလှပြီ။

ပြီးတော့လည်း Sasha က သူများနဲ့ တူတာ မဟုတ်ဘူး။ ရိုးရိုးသားသား လဲပြိုရင်တောင်မှ ဘယ်ဆိုင်ရာ ပိုင်ရာ အိမ်ရှင်ကမှ အရေးလုပ် ကူညီပြီး လျော်ကြေး ဆေးဖိုးဝါးခ တာဝန် မယူမယ့် အပြင် ဘယ်သူကမှ ကရုဏာ သက်ကြ မှာ မဟုတ်ဘူး။ ပါးစပ်က အနံ့ကလေး တသင်းပျံ့ပျံ့နဲ့ မဟုတ်လား။ Sasha ကိုယ့်အကြောင်း ကိုယ်သိတယ်။ သတိနဲ့ သာ လျှောက်။ အလျင် မလိုနဲ့။

Sasha ဘေးမသီ ရန်မခ မှတ်တိုင် ကိုပြန်ရောက်လာပါတယ်။ တော်ပါ သေးရဲ့။ ဘတ်စ်ကားကလည်း လှမ်းမ မြင်ရသေးပါဘူး။ မှတ်တိုင်မှာလည်း သူတို့ သားအမိ နှစ်ယောက်တည်း။ လူပို တစ်ယောက်မှ အနားမှာ မရှိဘူးဆို တော့ Sasha လွတ်လွတ်လပ်လပ် ကြံလို့ ဖန်လို့ ရသွားတယ်။ သည်တော့ ၀ယ် လာတဲ့ ဘီယာဘူးကို ဆွဲလှန်ဖွင့်လိုက် တယ်။ ဝေကျလျှံထွက်လာတဲ့ ဘီယာ မြှုပ်တွေကို နှမြောကြီးစွာနဲ့ ငုံ့စုပ် သောက်လိုက်တယ်။ ပြီး လက်ကျန်ကိုမှ သူ့ လက်ကိုင်အိတ်ထဲမှာ အပိုဆောင် ထားတဲ့ ကော်ဖီ ဓာတ်ဘူးကိုင်း ခွက်ထဲ ပြောင်းလောင်းထည့်တယ်။ အသေ အချာအလုံပြန်ပိတ်။ အိတ်ထဲထည့် သိမ်းတယ်။ သည်လိုမှ ဘတ်စ်ကား ပေါ်မှာ အချမ်းပြေ ကော်ဖီပူပူ သောက်သလိုလိုနဲ့ ခိုးမော့လို့ ရမှာလေ။ သိတယ် နော်။ ဘတ်စ်ကားတွေရဲ့ စည်းကမ်းက လည်း အဖုံးအပိတ် လုံလုံခြုံခြုံမရှိတဲ့ စားလက်စ သောက်လက်စတွေကို ကားပေါ်ယူလာပြီး ဆက်စားခွင့် မပြုဘူး မဟုတ်လား။ မှတ်တိုင်တိုင်းနားမှာ အမှိုက်ပုံးတွေ ချထားပေးတယ်။ ဘီယာဘူး အခွံကို အမေ သွားထည့်ပစ်ခဲ့တယ်။

အမေကတော့ သည်အရက်စွဲ ရောဂါနဲ့ ပြဿနာပါပဲ။ သူ ရှာလို့ရတဲ့ ပိုက်ဆံကလည်း အနည်းဆုံး သုံးပုံတစ် ပုံလောက်က သည်ဘီယာဖိုးတွေနဲ့ ကုန် နေတာပဲ။ တရားရဖို့ဆိုတာတော့ ဝေး ပါသေးရဲ့။ ဘယ်သောကြာနေ့ကများ တပတ်စာလုပ်ခ ရှင်းပေးလိုက်တဲ့ Pay Check ကလေး အိမ်အထိ ပါလာခဲ့ဖူး လို့လဲ။ မြို့အနှံ့ Plaza တိုင်းမှာ ရှိတဲ့ Friday Loan ရက်တို အပေါင်ဆိုင်တွေက အမြဲတမ်းလိုလို ရက်ကြို ထုတ်ချေး သုံးထားလေတော့ အပ်ခဲ့ရတာချည်းပဲ မဟုတ်လား။ တစ်ခါတစ်ရံသာ အလွန် ဆုံး ပြန်ပါလာလှရင် တစ်ရာ့ငါးဆယ် ပေါ့။ ဒါတောင် အိမ်အတွက် ဈေးဝင် ၀ယ်မလာပါမှ။

အမေက တစ်ခုတော့ ကောင်းပါတယ်။ သားအမိ နှစ်ယောက် အူမ ခြောက်ရအောင် ထောပတ်၊ ဒိန်ခဲ၊ ဂျုံ၊ သကြားနဲ့ သားငါးရိက္ခာ စတာတွေ တစ်ပတ်စာ ၀ယ်ပြီး ရေခဲ သေတ္တာထဲ ထည့်ထားဖို့ကတော့ ဘယ်ခါမှ မေ့လေ့ မရှိပါဘူး။ အမြဲ သတိ ရှိပါတယ်။ အမေ့မှာ နောက်ကောင်းတာ တစ်ခုရှိသေး တယ်။ ရေခဲသေတ္တာ အောက်ထပ်မှာ Vitamin D နွားနို့အစစ် ဂါလန်ပုံးတွေသာ တစ်လုံးပြီး တစ်လုံး အလျဉ်မပြတ် ရှိနေ စေရမယ်။ သူ့အတွက် မရှိမဖြစ်တဲ့ ဘီယာဘူးတွေကိုတော့ နေ့ဖို့ညစာရယ် ရည်ရွယ်ပြီး ဘယ်တော့မှ ဒါဇင်လိုက် Pack လိုက် ၀ယ်လှောင်ထားလေ့ မရှိဘူး။ ရှိနေရင် မနားတမ်း သောက်ဖြစ်မယ်တဲ့။ ပြီးတော့ အမေက တာသွား အောင်ဆိုပြီး အရက်လည်း မသောက် ဘူး။ ဒါ့ကြောင့် နေမှာပေါ့။ အမေ ဘယ်တော့မှ မမူးဘူး။ ဘယ်တော့မှ လည်း လျှာလေး အာလေးမဖြစ်ဘူး။ မျက်စိ မနီဘူး။ လေ မဖောဘူး။ စကား မထပ်ဘူး။

အခုလည်း ကြည့်လေ။ သွားနေ တာက Social Welfare ရုံး။ တွေ့စကား ပြောရမှာက ကိုယ့်အရိပ်အကဲကိုပါ ကြည့်ပြီး လေ့လာဆုံးဖြတ်မယ့် အရာရှိ မကြီးတွေနဲ့။ ပြီးတော့လည်း ရနေကျ  ရိက္ခာဝယ်ခွင့် Food Stamp နဲ့ ထောက် ပံ့ကြေးငွေ ဆက်လက် ရရှိနေဖို့ ပုံစံဖြည့် ပို့ထားတဲ့ လျှောက်လွှာကိစ္စ။ ရုပ်မပျက် အောင် လုံးဝ စကားမမှားအောင် ဣနြေ္ဒဆောင်ထားဖို့တော့ လိုတယ် မဟုတ်လား။


လုံးဝ မမှုပါဘူး။ အမေက လျင် ပြီးသားပါ။ အနံ့အသက်ကလည်း စိတ် ချ။ မနေ့ကမှ ပစ္စည်းဟောင်း၊ အ၀တ် ဟောင်း အရောင်းဆိုင် Thrift Store က သုံးဒေါ်လာနဲ့ ၀ယ်ချလာတဲ့ ဆပ်ပြာ နံ့သင်းတဲ့ သက္ကလတ် Long Coat အင်္ကျီ ရှည်အနက်ကြီးနဲ့။ အောက်ပိုင်းကလည်း ခါး ၄၂ လက်မ နှစ်ဒေါ်လာ ပေးခဲ့ရတဲ့ ဘောင်းဘီဆေးဆိုး အနက်နဲ့ပါနော်။ Smart ကို ဂွမ်လို့။ ဦးထုပ်အနက်၊ ဖိနပ် ရှည်အနက်၊ Muffler အနက်နဲ့ ဆိုတော့ အမေ့ တစ်ကိုယ်လုံး နှင်းပြင်ကဲ့သို့ ဖြူနေ တာဆိုလို့ မျက်ဆန်နဲ့ သွားပဲမြင်ရတယ်။

အမယ် အမေ့ကိုတော့ လျှော့ တွက်မယ် မကြံနဲ့နော်။ အခု အသက် ၄၀ သာ ကျော်လာခဲ့ပေမဲ့ ပေါင်ချိန်က ၁၉၅ ပဲ ရှိတာပါ။ အရပ်က ၅ ပေ ၁၁ လက်မဆိုတော့ ခါးကလေး မဆို စလောက် တုတ်ခိုင်တာကလွဲရင် ကြည့် ပျော်ပါတယ်။ တချို့ အမေတွေလို လည်း နို့ပျဉ်းကျကြီးတွေနဲ့ မဟုတ် ဘူး။ လှတယ်။ ဒါပေမဲ့ တစ်ခါတစ်ခါ စိတ်နာနာနဲ့ ညည်းဖူးတယ်။ သူနဲ့ ပေါင်း သင်းခဲ့ဖူးတဲ့ အိမ်ထောင်နှစ်ဆက်။ တစ်ယောက်မှ သူ့အပေါ် မကြင်နာခဲ့ကြ ဘူးတဲ့။ သမီးရဲ့အဖေ နောက်လာတဲ့ မောင်ပုလဲကလည်း ဒိုင်းဝန်ထက်ကဲ ဆိုပဲ။ သည်မှာတွင် အမေက နောက်ထပ် အိမ်ထောင်မပြုဖို့ ဆုံးဖြတ်လိုက် တယ်တဲ့။

အဖေက ငယ်လို့ အနိုင်ကျင့်ပြီး လိင်မှု ဖောက်ပြန်တဲ့ ဒဏ်ကိုလည်း မခံ နိုင်တော့ဘူး ဆိုပါတော့။ ပြီး သမီးက လေးကလည်း ရပြီလေ။ သည်ချစ်ဖို့ အဖော်အားကိုးနဲ့ လမ်းခွဲခဲ့တယ်ပေါ့။ အမေ တော်တယ်။ အမေ့ ဆုံးဖြတ်ချက် မှန်တယ်။ အမေ့ကို ချစ်တယ်။

အမေ့အဆိုအရကတော့ အဖေ လိုက်လာနိုင်ပုံမရတဲ့ အဖေနဲ့ဝေးရာ သည်မြို့ကို ထွက်လာခဲ့တယ် ပြောတာ ပဲ။ ပြီးတော့ ခြေရာခံ လိုက်နှောင့်ယှက် အနိုင်ကျင့်နေမှာ စိုးလို့၊ တရားဝင်ရသင့် ရထိုက်တဲ့ ကလေးစရိတ်တောင် သက် ဆိုင်ရာက စီစဉ် ဆောင်ရွက်ပေးမယ် ဆိုလျက်နဲ့ မလျှောက်တော့ဘူးတဲ့။ လုံးဝ အပြတ်ဖြတ်တယ်။ အခုဆိုရင်ပဲ ရှစ်နှစ် ကျော်လာခဲ့ပြီလေ။ သမီးပဲ ၁၂ နှစ် ထဲ ၀င်လာလို့ အလယ်တန်း ကျောင်း ရောက်နေပြီ ဥစ္စာ။

ဒါပေမဲ့ အမေကတော့ သမီးကလေး အပျို ဖြစ်လာတဲ့တိုင်အောင် သည် ဘီယာစွဲရောဂါကို မဖြတ်နိုင်တော့ဘူး။ လင်ဆိုးမယား အဖြစ်ကြောင့် စစွဲခဲ့တာ ဖြစ်ပေမဲ့ ခု လင်မရှိတော့လည်း ဘီယာ က မပြတ်တော့ဘူး။ စွဲနေပြီ။ ကြိုက်နေ ပြီ။ ခုလည်း မှတ်တိုင်မှာ ကော်ဖီ ဓာတ်ဘူးထဲ ပြောင်းထည့်ပြီး ဘီယာ ဘူးခွံကပ် လက်ကျန်နှစ်စက်သုံးစက်ကို မော့စုပ်နေသေးတယ်လေ။ ရုပ်ပျက်ဆင်း ပျက်။ ပြီးမှ အမှိုက်ပုံးထဲ သွားပစ်တယ်။

မကြာပါဘူး။ ဘတ်စ်လည်း ရောက်လာတယ်။ မနက်ပိုင်း အလုပ် ဆင်းကြချိန်လည်းဖြစ်၊ လူနေစိပ်တဲ့ နွမ်းပါးရပ်ကွက်တွေထဲက ဖြတ်လာရ လို့လည်း ထင်ပါရဲ့။ ကားပေါ်မှာတော့ လူနည်းနည်း များချင်တယ်။ သားအမိ နှစ်ယောက် တစ်ခုံတည်း တွဲထိုင်နိုင်ဖို့ ကတော့ မရတော့ဘူး။

Sasha က သမီးကလေးနဲ့အတူ တွဲထိုင်ချင်လှလို့တော့ မဟုတ်ပါဘူး။ ဒါပေမဲ့ တခြားသူစိမ်းနဲ့ တွဲထိုင်ရတော့ မတော်တဆ သူ့ပါးစပ်ကများ အနံ့ ထွက်လေမလားပေါ့။ အနံ့ရပြီး နှာခေါင်း ရှုံ့မှာ သူ စိုးရိမ်တယ်။ ပြဿနာက ပါးစပ်ထဲ ထည့်ငုံထားရတဲ့ အနံ့ပျောက် ပူရှိန်းဆေးပြားကလေးတွေတော့ ပါပါ ရဲ့။ ရုံးလည်း မရောက်သေးခင် ဆိုင် ရာ ပုဂ္ဂိုလ်တွေနဲ့လည်း စကားမပြောရ သေးဘူးဆိုပြီး ကြိုကြိုတင်တင် ငုံမထား ဖြစ်ဘူး။ စိတ်ကူးက လမ်းမှာလည်း ဓာတ်ဘူးကို ခိုးမော့ဦးမှာလေ။ ခရီး လမ်းဆုံးရောက်ဖို့က လိုသေးတယ်။

ဒါပေမဲ့ Sasha ရဲ့ အခြေအနေက မဆိုးပါဘူး။ သူ့ဘေးထိုင်ခုံက Vietnam လိုလို Phillipino လိုလို အဘိုး ကြီးက သဘောကောင်းပုံရပါတယ်။ သူ့ကိုယ်ကိုတောင် ကျုံ့ပြီးနေရာလုပ် ပေးသေးတာပဲ။ှျေ့ေ ခိုးမော့လို့ အနံ့ ထွက်ဦးတော့ စပ်စုမယ့်ပုံ၊ ဂရုစိုက် မယ့်ပုံ မပေါ်လောက်ပါဘူး။

အဲ သမီးကလေးရဲ့ နံဘေးကတော့ ၀၀ဖိုင့်ဖိုင့် အဖြူမကြီးရယ်။ သိတယ်နော်။ အသက်အရွယ်နဲ့ အသား အရောင်က နည်းနည်းကြီးကျယ်ချင် တတ်တယ်။ တော်ပါသေးရဲ့။ သမီးနဲ့ မို့။ သမီးက ကလေးဆိုတော့ ဘာပဲ ပြောပြောသူ ဟန်ဆောင်ပန်ဆောင် ချစ်ဟန်ပြု ဦးစားပေးရမယ်လေ။

ပြီးတော့လည်း သိပ်ကြောင့်ကြစရာ မရှိပါဘူး။ ရှေ့ မကြာခင်မှာ Flamingo လမ်းမကို ရောက်ရင် အရှေ့ ဘက်ထဲ သွားမယ့် Bus # ၄၀၁ကို ပြောင်းစီးရမှာပဲ။ မကြာတော့ပါဘူး။ ကြားမှတ်တိုင်တွေမှာ ဘီးတပ်ကုလား ထိုင်သုံး ဒုက္ခိတခရီးသည်တွေသာ အတက်အဆင်း မရှိလို့ကတော့ နောက် ဆယ်မိနစ်လောက်ဆို ရောက်သွားမှာပဲ။ အချိန်ကိုက် ခန့်မှန်းပြီးမှ Sasha အိမ်က ထွက်လာတာပါနော်။

Sasha မှာအချိန်ကို အတိအကျသိ နိုင်တဲ့ လက်ပတ်နာရီတို့ Cell ဖုန်းတို့ တော့ မရှိပါဘူး။ များသောအားဖြင့် ဖုန်းကုမ္ပဏီတွေက အပြိုင်အဆိုင် Cell ဖုန်းတွေ အခမဲ့ပေးပြီး သုံးစွဲသူ Customer သစ်တွေ ခေါ်ယူနေကြပေမဲ့ Sasha မသုံးရဲပါဘူး။ သူ့ဥစ္စာက အနည်း ဆုံး တစ်နှစ်၊ နှစ်နှစ်သုံးစွဲပါ့မယ်လို့ ကတိပြု ဃသညအမခေအ စာချုပ်ပြီး ဆက်သုံး ရမှာလေ။ အ၀င်အထွက် ဖုန်းပြောတဲ့ နေ့ပိုင်း မိနစ်တွေနဲ့ အဝေးပြောမိနစ်တွေ အတွက် ကျသင့်သမျှ ပြောခတွေရယ်၊ အခွန်အကောက်တွေရယ်က လစဉ် Bill ဆောင်ရမှာလေ။ တစ်လအနည်းဆုံး ၅၀/၆၀ အပို အကုန်မခံနိုင်ပါဘူး။ ဆင်းရဲသားမှာ ဖုန်းဆက်စကားပြောစရာ လည်း သိပ်အကြောင်း မရှိပါဘူး။ ပြီးတော့လည်း ထုံးစံအတိုင်း မရှိမဖြစ် တပ်ထားရတဲ့ အိမ်သုံးတစ်လုံး ရှိနေ တာပဲ။ ပြီးတော့ နာရီကကော ဘာလုပ် မှာလဲ။ တစ်ဒေါ်လာ နှစ်ဒေါ်လာကနေ ၅/၁၀ ဒေါ်လာတန်အထိ ကြက်သွန် တွေ အာလူးတွေလို ပုံရောင်းနေတဲ့ အချိန်ဂဏန်းပြ Automatic Quartz နာရီ တွေမှ ဖောခြင်းသောခြင်း။ ကျောင်း ဖွင့်စက ၀ယ်ပေးထားတာ သမီးရဲ့ လက်မှာ တစ်လုံးရှိသားပဲ။ ၆ လ တစ် နှစ် ပစ်စလက်ခတ် ပတ်ပါလေ့တော်။ အချိန်မှန်လိုက်သမှ ဘယ်တော့ ကြည့် ကြည့်။ ကွက်တိ။ မိနစ်မလွဲဘူး။

ဟော တွေးရင်းငေးရင်းနဲ့ ဘတ်စ် ကားက ကြေညာပြီ။ Flamingo လမ်း ကို ရောက်တော့မယ်တဲ့။ ဆင်းကြမယ်။ နောက်နည်းနည်းပြန်လျှောက်ကြမယ်။ လမ်းကူးမယ်။ Flamingo လမ်း ဘေး မှတ်တိုင်မှာ # ၄၀၁ ကို ရပ်စောင့်ရမယ်။

ဘယ်ရလိမ့်မလဲ။ Sasha ပါတဲ့။ သည်မှတ်တိုင်မှာက ဘတ်စ်ကား အမှတ်တွေ လေးငါးစင်းရပ်တယ်ဆို တော့ ကံမကောင်းရင် ကိုယ့်ကားကို ခပ်ကြာကြာစောင့်ရမယ်။ ကြာမှာ မကြာ မှာ အပထား။ အေးစက်နေလို့ ဘယ်သူ မှ ၀င်မထိုင်တဲ့ သံဆန်ခါခုံတန်းမှာ Sasha ကတော့ ကျကျနန ၀င်ထိုင်လိုက် ပြီး သူ့ ကော်ဖီဘူးကို လွတ်လွတ်လပ် လပ် မော့တော့တယ်။ သူများတကာ အမြင်မှာတော့ ချမ်းရှာလွန်းလို့ ပူပူကြီး မော့နေတယ်ပေါ့။ အမှန်တကယ် ချမ်း နေရရှာတာကတော့ သမီးကလေး။ စောင်တွေနဲ့ ထုပ်ထားသလို အနွေးထည်တွေ အထပ်ထပ် ၀တ်ထားပေမဲ့ ဆောင်း လေရဲက ရိုးတွင်းခြင်ဆီခိုက်အောင် အေး တာရယ်။

အပူဓာတ် လွှတ်ပေးထားတဲ့ ဘတ်စ်ကားပေါ် မရောက်မချင်းတော့ ခံပေဦးတော့ပေါ့။ ဇက်တွေကို ပု၊ လည် စည်းကို နှစ်ပတ်သုံးပတ် ပတ်ပြီး ပါးစပ် ထိ တက်ဖုံး၊ ခေါင်းစွပ်ကိုလည်း နား ရွက်ကိုပါ ဆွဲဖုံး၊ လက်အိတ် စွပ်ထားတဲ့   လက်တွေကိုလည်း အင်္ကျီရင်ဘတ်ထဲ ထည့်ထားကြတာပါပဲ။ သုံးဖက်မှန်လုံ ကာထားတဲ့ မှတ်တိုင်ထဲမှာလည်း သမီး ကလေးရော၊ တချို့ခရီးသည်တွေရော အပြည့်ပါပဲ။ ဒါပေမဲ့ နှင်းတွေ စိုရွှဲပြီး  အေးစက်နေတဲ့ သံဆန်ခါခုံတန်း ပေါ်မှာတော့ Sasha ကလွဲလို့ ဘယ်သူမှ မထိုင်ကြပါဘူး။ Sasha ကတော့ အပြင်ကလည်း ဂျင်းဘောင်းဘီ တစ်ထပ်နဲ့ Long Coat ကြီး တစ်ထပ်နဲ့လေ။ အတွင်းကလည်း အနွေးဓာတ်ကလေးနဲ့ မဟုတ်လား။

ဒုက္ခကတော့ ရောက်တယ်။ သည် Flamingo လမ်းမကြီးအတိုင်း အရှေ့ ဘက် ငါးမိုင်ခြောက်မိုင်လောက် စီး သွားပြီးလို့  Rainbow လမ်းရောက်ရင် တစ်ခါဆင်း။ ဘတ်စ်ကား နောက်တစ် ဆင့်ပြောင်းစီးရဦးမယ်။ Sasha က ပြောတယ်။ ဒါမှ ချိန်းတဲ့အချိန်နဲ့ အတော် လောက်ကျမှာပဲတဲ့။ ရုံးရောက်ရင် ကိုယ် လိုလူတွေကများတော့ ထုံးစံအတိုင်း စာရင်းသွင်းစက်မှာ တိုကင်နံပါတ်ယူ။ ကိုယ့်နံပါတ်ခေါ်တဲ့အထိ ထိုင်စောင့်ကြ ရဦးမှာနဲ့ဆို ကိုယ့်သက်ဆိုင်ရာ အမှုတွဲကိုင် အရာရှိနဲ့ ၀င်တွေ့ရဖို့က ကြာဦး မှာပါတဲ့။ အင်းလေ ဆင်းရဲသားကပဲ လုပ်စာနဲ့ မလောက်ငနိုင်တော့ ခု လောက်တော့ ဒုက္ခခံ စောင့်ကြရမှာပေါ့။ အစိုးရက စစ်ဆေး ပေးကမ်း ထောက် ပံ့နေတာပဲ ကျေးဇူး တင်ကြရဦးမယ်။

သိတယ်နော်။ Sasha ရဲ့ ဘ၀ကို တရားဝင် ရုံးအခေါ်က Single Mom တဲ့။ မုဆိုးမ သို့မဟုတ် တစ်ခုလပ်၊ သို့မဟုတ် လင်မရှိတဲ့ မိခင်ဆိုပါတော့။ သဘောက ကျွေးမွေးထိန်းသိမ်း တာဝန် ယူစောင့်ရှောက်ရမယ့် သားသမီး (တွေ) ရှိတယ်။ ဒါပေမဲ့ တခြားအထောက် အကူရနိုင်တဲ့ သို့မဟုတ် ကလေးစရိတ် ပေးနေတဲ့ လင်ယောက်ျား(ဟောင်း) X လည်း မရှိဘူး။ ပြီး အမေလုပ်တဲ့လူ ကိုယ်တိုင်ကလည်း ကလေးကို ထားရစ် ပြီး အလုပ်မလုပ်နိုင်ဘူး။ လုပ်နိုင်လို့ လုပ်တဲ့တိုင်လည်း ရတဲ့ဝင်ငွေက နည်းတယ်။

အနိမ့်ဆုံး သတ်မှတ် ၀င်ငွေလစာ တစ်ထောင့်ရှစ်ရာမကျော်ဘူးဆိုရင် သည် Welfare ရုံးလို့ အလွယ်တကူ ခေါ်နေကြ တဲ့ အစိုးရရဲ့ Department of Social Services ရုံးက အကူအညီပေးတယ်။ လူသုံးကုန် အိမ်သုံးကုန်မပါ။ အရက်နဲ့ ဆေးလိပ်မပါ။  စားသောက်ကုန်ချည်း သာ ၀ယ်လို့ရတဲ့ Food Stamps လို့ခေါ် တဲ့ ရိက္ခာထောက်ပံ့ကြေးလည်းပေး တယ်။ ဥပဒေအရ သင့်လျော်တဲ့ ထောက်ပံ့ကြေးငွေလည်း ပေးတယ်။ လိုအပ်တဲ့ ပြေစာဖြတ်ပိုင်း မိတ္တူတွေပါ ပူးတွဲပြီး ရုံးက ပို့လိုက်တဲ့ လျှောက်လွှာ ပုံစံတွေကို ဖြည့်ပြန်တင်လိုက်ရင် ရုံးက လူကို ခေါ်တွေ့ စစ်ဆေး မေးမြန်းတယ်။ မှန်ကန်ပြီး ဘောင်ဝင်ရင် ထောက်ပံ့ ကြေးပေးတာပဲ။ အထူးသဖြင့် ရင်ခွင်ပိုက် ကလေးမိခင်တွေနဲ့ ကျောင်းသူ၊ ကျောင်းသားတွေရဲ့ မိခင်မျိုးဆိုရင် အထူး ထောက်ပံ့ကြေးတွေလည်း ပေး တတ်တယ်။ ဂရုစိုက်တယ်။ လိုအပ်ရင် တရားရုံးတွေက တစ်ဆင့်ကလေးရဲ့ ဖခင်တွေဆီက ၀င်ငွေပေါ်မှာ မူတည်ပြီး ကလေးစရိတ် တောင်းခံပေးတတ် တယ်။ တရားရုံးတွေရဲ့ အဆုံးအဖြတ်ကို ငြင်းဆန်လို့ မရဘူး။

Sasha ကတော့ ပြတ်တယ်။ မတောင်းဘူး။ မယူဘူး။ လုံးဝ ကင်း ကင်းရှင်းရှင်း နေချင်တယ်။ ဒါပေမဲ့ မာနကြီးရအောင် Sasha ရဲ့ ၀င်ငွေက ဘယ်လောက်ရှိလို့လဲ။ နိုင်ငံအစိုးရက ပြဋ္ဌာန်းသတ်မှတ်ထားတဲ့ အနိမ့်ဆုံး တစ်နာရီလုပ်ခ ၆ ဒေါ်လာနဲ့ ဆင့် ၅၀ ကို ကျော်ပြီး ၇ ဒေါ်လာရတယ်။ ဒါ တောင် လုပ်သက်တစ်နှစ်ပြည့်ထားလို့ ဆင့် ၅၀ တက်လာတာရယ်။ ဆိုတော့ တွက်ကြည့်လိုက်ပါဦး။ တစ်ပတ်မှာ တနင်္လာကနေ သောကြာအထိ ၅ ရက် လုပ်။ တစ်နေ့ လုပ်ချိန် ၈ နာရီနဲ့ မြှောက်။ တစ်ပတ် နာရီ ၄၀။ တစ်နာရီ ၇ ဒေါ် လာနဲ့ ထပ်မြှောက်။ တစ်ပတ်ဒေါ်လာ  ၂၈၀ ရမယ်။ ဒါပေမဲ့ ၀င်ငွေခွန်၊ ကျန်း မာရေးအတွက် အာမခံစုငွေစတဲ့ အကောက်ခွန်တွေက အပတ်စဉ် ဒေါ်လာ ၂၀ လောက် ဖြတ်လိုက်တော့ ၂၆၀ ပဲ ကျန်တယ်။ ဆိုပါတော့ တစ်လ ၀င်ငွေ တစ်ထောင်ကျော်ရုံကလေးပဲ ရှိတယ်။ သတ်မှတ်စံချိန်တစ်ထောင့်ရှစ် ရာ မရှိဘူး။ ဆိုတော့ ၀င်ငွေနည်း အိမ် ထောင်။ သည်အထဲ အသက် ၁၂ နှစ်ပဲ ရှိသေးတဲ့ ကျောင်းသားတစ်ယောက်က ရှိနေတယ်။ ထောက်ပံ့ကြေး ရပိုင်ခွင့် အပြည့်အ၀ရှိတာပေါ့။

ကုန်ရတဲ့ Sasha တို့ဘက်ကလည်း ကြည့်ဦးလေ။ အိမ်ခန်းလခ၊ လျှပ်စစ်မီ တာခ၊ ဂက်စ်မီတာခ၊ အိမ်သုံးတယ်လီ ဖုန်းနဲ့ သဗ္ဗရနံပေါင်း လျှောက်ပေါင်း လိုက်တော့ ငါးရာကျော်တယ်။ ဒါတောင် Sasha တို့နေတာက အစိုးရရဲ့ အထောက်အပံ့ခံ ကလျာဏယုဝခရစ် ယာန်အသင်းပိုင် အိမ်ရာမို့။ အိမ်လခ ကျသင့်ငွေရဲ့ ၃၀%ကိုပဲ ပေးရတာ လေ။ ကျန် ၇၀ %ကို အစိုးရကပေး တာ။ ဒါလည်း လျှောက်လွှာတင်ထား ပြီး တစ်နှစ်လောက်ကြာမှ ရခဲ့တာပါ။

အခု Welfare ရုံးကလည်း သမီး မွေးပြီးစကတည်းက ပုံမှန် ရနေကျ ဖြစ် ပါတယ်။ ဒါပေမဲ့ သည်ရုံးက ပို့လိုက် တဲ့ လျှောက်လွှာပုံစံတွေမှာ ခြောက်လ တစ်ခါ ဖြည့်စွက်တင်ပြပြီး ခုလို လူ ကိုယ်တိုင်တွေ့ မေးမြန်းအစစ်ဆေး ခံရပါတယ်။ အဓိကကတော့ လုပ်ခ၀င် ငွေနဲ့ အလုပ်အကိုင် ပြောင်းလဲမှုရှိ မရှိ။ လိပ်စာနဲ့ အိမ်တယ်လီဖုန်းအမှတ် အပြောင်းအလဲ ရှိ မရှိ။ အိမ်နေလူဦးရေ အတိုးအလျှော့ ရှိ မရှိ။ ပြီး အိမ်လခ ဖြတ်ပိုင်းပြေစာ၊ လစဉ် ဘဏ်စာရင်း ရှင်းတမ်း မိတ္တူ၊ အပတ်စဉ် လုပ်ခ၀င် ငွေချက်လက်မှတ် မိတ္တူစုံနဲ့ မီတာခ ပေါင်းစုံရဲ့ ပြေစာဖြတ်ပိုင်းတွေ ပူးတွဲ တင်ပြရတာ ဖြစ်ပါတယ်။ အစိုးရက ထောက်ပံ့နေတဲ့ အခွင့်အရေးတွေ အမှန် တကယ် ဆက်လက်ခံစားခွင့် ရှိ မရှိ ကို စစ်ဆေးတာပဲ ဖြစ်ပါတယ်။ Reevaluation လို့ ခေါ်ပါတယ်။

သည်ကိစ္စအတွက်ပဲ Sasha တို့ သားအမိ အလုပ်ဖျက် ခွင့်တစ်ရက်ယူပြီး ထွက်လာခဲ့ကြတယ်။ သမီးကလေးက လည်း ခုဒီဇင်ဘာဆောင်း ကျောင်းတစ် ပတ် ပိတ်ထားတာပါ။ သိတယ်နော်။ သည်အရွယ် ကလေးငယ်တစ်ယောက် တည်းကို အိမ်ထဲမှာ တံခါးပိတ် သော့ ခတ်ထားခဲ့ခွင့် မရှိဘူး မဟုတ်လား။ တစ်စုံတစ်ရာဖြစ်ခဲ့လို့ တစ်စုံတစ် ယောက်က အမှန်အတိုင်းပြောလိုက်ရင် အမေလည်း အရေးယူ အပြစ်ပေးခံရ ဦးမယ်။ ကလေးလည်း မိဘက တာဝန် ယူ မစောင့်ရှောက်တဲ့ အစွန့်ပစ်ခံ ကလေး အဖြစ်သတ်မှတ်ပြီး လူမှုဝန် ထမ်းဌာန Child Care Center တွေက အပိုင်သိမ်းပိုက်မွေးစားလိုက်မယ်။ အကြီးအကျယ် ပြဿနာ။ တရားရုံးမှာ ပြန်လျှောက်လဲယူရမယ်။ မလွယ်ဘူး။

“လာ မနေရစ်ခဲ့ရဘူး။ ငါ သွား ရာ လိုက်ခဲ့”

Sasha တို့သားအမိနှစ်ယောက် ရုံးရောက်လာကြတယ်။ ဘတ်စ်ကား သုံးဆင့် စောင့်စီးလာ ခဲ့ကြတာ စုစုပေါင်း နှစ်နာရီလောက် ကြာတယ်။ ဟော အခု ရုံးရောက် တော့လည်း ကိုယ်လိုလူတွေက များနေတော့ အလှည့်ရောက်အောင် စောင့်ကြ ရဦးမှာလေ။ ဒါကတော့ ဆင်းရဲသား ဘ၀။ America ရဲ့ ထုံးစံပါပဲ။ စောင့်ပေ ဦးတော့ အာလူးကြော် တစ်ထုပ်နဲ့။

ဒါပေမဲ့ ဧရာမအဆောက်အအုံကြီး ထဲက အနွေးဓာတ်နဲ့ဆိုတော့ မဆိုးပါ ဘူး။ Sasha လည်း အချိန်တန်တော့ အနံ့ ပျောက်ဆေးချိုချဉ်ပြား နှစ်ပြား ပါးစပ် ထဲ ပစ်ထည့်ထားလိုက်တယ်။ အဲ တစ်နာရီ မိနစ် လေးဆယ် လောက်ကြာ တော့ သမီးရဲ့ လက်ထဲမှာ ကိုင်ထားတဲ့ နံပါတ် B 417 က ရုံးခန်းနဖူးစည်းမှာ ပေါ်လာ တယ်။ တစ်ပြိုင်နက်တည်းမှာပဲ Sasha Olson ဆိုတဲ့ နာမည်ခေါ်သံပါ ထွက် လာတယ်။ သားအမိနှစ်ယောက် ပျော်မြူးပြီး ရုံးခန်းအ၀င် တံခါးပေါက် မှာ ပြေးရပ်လိုက်ကြတယ်။

မောင်သာရ
(ရွှေအမြုတေ မဂ္ဂဇင်း၊မေလ ၂၀၁၂)