“မောင်ခင်ရေ လွတ်လပ်ရေးကြီး ရတော့ မယ်တဲ့ဟ” ဦးကြီးဘ၏ စကားကို ကြားတော့ မောင်ခင်က ရယ်သည်။

“တော်ပါတော့ ဦးကြီးရယ်။ ဟိုတစ်ခါလည်း လွတ်လပ်ရေး ပေးပြီးတော့ ပါးရိုက် ခံရတာပဲ။ လွတ်လပ်ရေး ဆိုတာ ပါးရိုက်တာကို ပြောတာလား”

“ဟိုတစ်ခါက အတု၊ ဒီတစ်ခါက အစစ်ဟ မောင်ခင်ရေ”

ဤသတင်း သည် ဤအတိုင်းပင် ရွာထဲ၌ ပျံ့နေတော့သည်။ လွတ်လပ်ရေး ဆိုသည်ကို ဂျပန်တွေ ပါးရိုက် သည်နှင့်သာ သိကြရသော ရွာသား တို့မှာကား လွတ်လပ်ရေး ရလို့မှ ပျော်ရကောင်းမှန်း မသိ။

“လွတ်လပ်ရေး ရပြီဆိုတော့ တို့သူကြီး ဦးဆယ်ကြီးက ဘာလုပ်မှာလဲ”

မေးသူက မေးကြသေးသည်။ ဖြေသူ ခမျာလည်း ကြိုးစားပြီး ဖြေရရှာ သော်ငြား သူ့ခမျာ သိပ်မသိလှ။
“သူကြီးကတော့ သူကြီးပဲ လုပ်မှာပေါ့ကွ။ ဒီလူကြီးက သူကြီး အလုပ်က လွဲပြီး ဘာမှ လုပ်တတ်ရှာမှာ မဟုတ်ဘူး”

ဤသို့လျှင် ရွာကလေး၌ သတင်းက ပျံ့နှံ့ ဂယက်ထ၍ နေတော့သည်။ ထိုသို့ ပျံ့နှံ့၍ လူပြော များလှသော သတင်းကိုပင် လူတိုင်း မေ့သွားလောက်အောင် ထူးခြားလှသော သတင်းတစ်ပုဒ် ထွက်လာလေ၏။ ထိုသတင်းကား သူကြီး ဦးဆယ်ကြီးနှင့် ရွာဘုန်းကြီး ဦးဆန္ဒ တို့၏ သတင်းပင် ဖြစ်သည်။

“ဦးဆယ်ကြီးနဲ့ ဦးဆန္ဒတို့ နာရီ လုကြတာတဲ့” တစ်ယောက်သော သူ၏ အပြောတွင် စဉ်းစားရှာကြ သူတို့က ၀င်ပူပေးရ ပြန်၏။   

“အဲဒီနာရီ ဆိုတာ သူကြီး ထက်ပိုပြီး ဒင်္ဂါးရလို့ နဲ့တူတယ်။ သူကြီးသာ နာရီကြီး ဖြစ်သွားရင် ဒုက္ခ”

လူကြီးတွေတောင် လုကြသည် ဆိုတော့ သူတို့လည်း လုရမှာပေါ့ ဆိုသည့် ၀င်တိုးမည့် သူတွေကလည်း တပြင်ပြင်။
“ဟေး အဲဒီနာရီ ဆိုတာကို ငါတို့လည်း လုကြမယ်ဟေ့။ မြန်မြန်သွားရ အောင်”

စိုးရိမ်ပို တတ်သူတို့ကား အတင်းအကျပ်လုပ်ကြလျှင် နာရီကြီး ကျိုးသွား၊ ပဲ့သွား၊ သေသွားလိမ့်မည်ကို ပူပန်နေကြသေး၏။
ရှေးအဘိုးကြီး တစ်ယောက်ကတော့ နိမိတ်ကောက် ပညာပဲ ကျွမ်းလေ သည်လားမသိ။ “နာသာနာတယ်။ ရယ်နေရမယ် ဆိုရင်တော့ မဟန်ဘူးမောင် တို့” ဟု ဆိုလာ၏။

သတင်းပျံ့၍မျှမကြာ။ လူစုဝေးတို့လည်း ဘုန်းကြီးကျောင်းဆီသို့ သွား ကြလေတော့၏။ ကျောင်းရောက်တော့ သူတို့ထင်သလို ဆွဲလားရမ်းလားလုပ် နေတာလည်း မဟုတ်တော့ ပွဲကြီးပွဲကောင်း လွတ်ချေပြီဟု ၀မ်းနည်းနေကြ ၏။ သူတို့ မြင်လိုက်ရသော နာရီ ဆိုတာကလည်း အ၀ိုင်းကြီး အောက်တွင် တလှုပ်လှုပ် ယမ်းနေသော ဆိတ်ဟိုဒင်း လိုဟာနှင့် ဆိုသည်ကို တွေ့လိုက်ရတော့ မီးကိုရေနှင့်ငြှိမ်း သကဲ့သို့ပင် စိတ်ဝင်စားမှုတို့ ကုန်လေတော့သည်။

“ဘုန်းဘုန်း ဒီနာရီက သံပတ်ကို မှန်မှန်ပေးမှ အသွား မရပ်တာပါ ဘုရား။ ရှင်ဘုရား လုပ်နိုင်ပါ့မလား ဘုရား”

“သံပတ်၊ အို သံပတ်များ ငါ့ကျောင်းသားတွေကို လုပ်ခိုင်းပြီး ပေးမှာ ပေါ့။ ဒီကောင်က ဘယ်လောက်တောင် လိုချင်တာတုံး”

သူကြီးမင်းက ပြုံးလိုက် ရယ်လိုက်ဖြင့် “အရှင်ဘုရား ဒါနဲ့ထိုးပြီးလှည့်ရ တာကို သံပတ်ပေးရတယ် ခေါ်တာ ဘုရား။ ဘုန်းဘုန်း ဒီလောက်မှ မသိရင် တော့ နာရီကြီး ပျက်သွားပါဦးမယ်။ တပည့်တော် အိမ်မှာပဲထားပါ ဘုရား“

“အိုကွယ် မင်းအိမ်မှာဆို ငါတို့ ဘယ်လာကြည့်လို့ ရမတုံး။ ငါ့ကျောင်း ရှေ့မှာ စင်ကလေး ဆောက်ပြီး တင်ထားပေးမယ်။ လူတိုင်းကြည့်လို့ရတာ ပေါ့။ မဟုတ်ဘူးလား”

ရွာသားများကား ဘုန်းကြီးပြောလျှင် တင်ပါ့ ဘုရားဟုသာ ဖြေတတ်ကြ သူတွေ ဖြစ်ကြပြန်သည်မို့ သူကြီးမင်းလည်း မဲရှုံးရလေ၏။ ဤကား ဒီမို ကရေစီ၏ အစပင်တည်း။ ဘုန်းကြီးမှာ သံပတ်ပေးနည်းကို ရအောင် သင်ရရှာပြီး သော့ကို သူသာ အပိုင်သိမ်းလေ၏။ ဒါတင်မကသေး ရှင်ဒိသာပါမောက် သဖွယ်ပင် ကျည်ပွေ့ အတက်ပေါက်ပြီဟု ဆိုလာချေသေးတော့ သူကြီးမင်းလည်း ကန်တော့ရပြန် လေ၏။

နောင် သမ္မတမဖြစ်ဟု မဆိုနိုင်သော ဘုန်းကြီးကျောင်းသားအပေါင်းတို့ မှာလည်း စူးစမ်းချင်သူများဖြစ်သည့်အလျောက် ဘုန်းကြီးအညောင်းကို စောင့်၍ သော့တောင်းပြီး သံပတ်ပေးရဖို့ကို မျှော်လင့်ကြ၏။ ဘုန်းကြီးအား ထိုနေ့မှစ၍ မညောင်းတော့သောကြောင့် အတင်းဝင်ညောင်း ခိုင်းကြတော့ လည်း နှိပ်ရတာသာ အဖတ်တင်လေ၏။

“အရှင်ဘုရား၊ နာရီက နေထွက်တာကို ပြတာမတူပါလား ဘုရား။ တစ်ခါတစ်မျိုး၊ တစ်ခါ တစ်မျိုးနဲ့”

မေးလာသူကို ဘုန်းကြီးက ပြန်မေးခွန်း ထုတ်၏။
“မင့်နေကရောမှန်လို့လား။ ငါကြည့်တာတော့ ဘယ်သူမှလည်း သံပတ်ပေးတာ မတွေ့ဘူးနော်”

မေးသူလည်း တင်ပါ့ဘုရား ဆိုရပြန်လေ၏။ ရက်စွဲမေးလာသူကိုလည်း ဘုန်းကြီး ဖြေပြ တတ်သည်မို့ သူကြီးက “အရှင်ဘုရား နေ့စွဲက ဘယ်မှာရေးထားလို့တုံး။ တပည့်တော်တော့ မတွေ့ပါလား” ဟု မေးလာ၏။

“မင်းမကြည့်တတ်လို့ပါကွယ်။ တို့များလို ကြည့်တတ်တဲ့ သူကျတော့လည်း ပြာသိုလပြည့် ကျော်သုံးရက်တဲ့။ ထင်းခနဲပဲ”

တင်ပါ့ဘုရား ရပြန်လေ၏။ လွတ်လပ်ရေး သတင်း၊ နာရီ သတင်းတို့မှာ လည်း ကြာလာတော့ မည်သူကမှ စိတ်မ၀င်စား နိုင်တော့ရာ ကံကြမ္မာ ဂျာနယ်လစ်က အဖွကောင်း ကောင်းနှင့် ဖွလေတော့၏။ နာရေး သတင်းကို သေပြီလည်း မပြော၊ ဆုံးပြီဟုလည်း မဆို၊ ကွယ် လွန်ပြီဟုလည်း မပြော၊ ဂန့်ပြီ၊ မာလကီးယား သွားပြီ၊ ရှောပြီဟုလည်း မဆိုပါဘဲနဲ့ နာရေးဖြစ် အောင် လုပ်ပြလေ၏။ ပျံလွန်တော် မူလေ၏တဲ့။

အညောင်းချည့်တာဟုလည်း ပြောကြ၏။ ခိုက်တာဟုလည်း ဆိုကြ၏။ မေတ်္တာစူးတာဟု လည်း အတင်းတုပ်ကြ၏။ ဘုန်းကြီးပျံလွန်တော် မူသောနေ့သည် မှန်းထားကြသည်ထက် စောစီး စွာရောက်လာတော့၏။ အိပ်ရာထဲတွင်ပင် အသက်ပျောက်ရသည်ဆိုတော့ မခံစားရဘူးပေါ့ ဆိုသော်လည်း ယခုပင် လူစားလဲလို့ရပါသေး သည်။ ဘုန်းကြီးအစား ဘယ်သူကများ မခံစား ရဘဲ သေလိုပါသနည်းဆိုသော် ဟင့်အင်းကြမည့် သူများသာတည်း။

ဘုန်းကြီးအလောင်းကိုပြင်ရင်း ဘယ်ဇာတ် ငှားမလဲ ဆွေးနွေးခိုက်မှာပင် ကျောင်းသားလေး တစ်ယောက်က ကမ္ဘာ ပျက်သည့်အလား ထအော် လေ၏။
“လုပ်ကြပါဦးဗျို့။ ယမ်းတမ်းယမ်းတမ်း ကြီး မယမ်းတော့ဘူး”

အဆိုပါ သတင်းကြောင့် လူတွေ ၀ိုင်းအုံသွား ကြရသည်မို့ ခေါင်းစည်းအတပ်ကောင်းသူဟု ဆိုနိုင်လေသည်။ နောင်သော် ထိတ်ထိတ်ကြဲ အယ်ဒီတာ မဖြစ်ဟု မည်သူ ဆိုနိုင်မည်နည်း။ ပြေးလွှား ၍သွားကြည့်ကြတော့ တကယ်ပင် နာရီထဲမှယမ်း တမ်းယမ်းတမ်းကြီး ရပ်နေသည်ကို တွေ့ လိုက်ရတော့သည်။

တစ်ဦးတည်းသော နာရီ ကြည့်တတ်သူ သူကြီးမင်း၏ အဆိုအရပင် “ရှစ်နာရီတောင် မထိုးသေးဘူးတဲ့။ နေတောင် မွန်းတည့်နေပြီကို။ ဒီဘုန်း ကြီးနှယ် သံပတ်လေးဘာလေး ပေးပြီးတော့မှ သွားတာ မဟုတ်ဘူး” ဟု သံယောင်တွေလိုက်ကြ ၏။

နာရီနှင့် ဘုန်းကြီး ဘယ်သူ အရင်ပုပ်မလဲ လောင်းကြသည့် ကာလသားများလည်း ရှိကြ သေး၏။ မည်သူမျှ မည်သို့ လုပ်ရမှန်း မသိခင်မှာ ပဲ သူကြီး ဖြစ်ထိုက်၍ သူကြီးဖြစ်ရသူ ဦးဆယ်ကြီးပင် ကယ်ဆယ်ရတော့၏။ ဘုန်းကြီး ကိစ္စဘေးမှာ ထား၍ နာရီ တိုက်ဖို့ရာ မြို့ပေါ်ကို တက်သွားတော့၏။ ဒီတစ်ကြိမ်သည် ကား နာရီကို သူတို့ နောက်ဆုံးမြင်ရလေခြင်းဖြစ် ၏ဟု ရွာသားတို့မတွေးမိကြ။ နာရီ၏ နာရေး ခရီး ရယ်ဟု သူတို့ မသိကြ။

မြို့မှပြန်လာသော သူကြီး၏ “မင်းတို့ မလည်း နာရီကို မကြည့်တတ်ကြ။ သံပတ်လည်း မပေးတတ်ကြဆိုတော့ ပျက်စီးမှာ စိုးရတော့ ငါ့ အိမ်မှာပဲ ထားရမယ်။ မင်းတို့ လာကြည့်ချင်လည်း ကြည့်ပေါ့ကွာ” ဟု ဆိုပြန်လေသော စကားကို လည်း တင်ပါ့ဘုရား ရပြန်၏။

သူကြီးမင်းက နာရီကို အသက်တမျှ စိုးရိမ် လှပေရာ မရှိသော သူခိုးတို့ကို လက်ညှိုးထိုး၍ တစ်ကြိမ်၊ မလာရဲသော အမူးသမားတို့ကို မေးငေါ့ ၍တစ်ကြိမ်၊ နှစ်ကြိမ်တိုင်တိုင် သက်သေပြပြီး သည်တွင်တော့ စိတ်ချရသော သူ့အိမ်ခန်းထဲသို့ သွင်းထားလိုက်သည် ဟူ၏။

ရွာသားများမှာလည်း နေထန်းတစ်ဖျား၊ မွန်းတည့်နှင့်သာ အဆင်ပြေ နေရာ မည်သူကမှ လည်း ဘွိုင်းကောက်မလုပ်တော့။ ဤကား ဒီမိုကရေစီနိဂုံးတည်း။
စဉ်းစား တွေးခေါ်တတ်သော လူငယ်တစ် ယောက်ကတော့ တွေးမိသလောက်ကို ပြောပြပြီး စည်းရုံး၏။
“အင်္ဂလိပ် နာရီမှာက နေ့တစ်ခါစာနဲ့ ညတစ်ခါစာပဲ ပါတယ်။ အဲဒါ ခုသူကြီး တိုက်ထားတဲ့ နာရီက မနက်ရှစ်နာရီမှာ ရပ်နေတာကိုပဲ ညမှာ တိုက်လိုက်တာ ဆိုတော့ နေ့နဲ့ညနဲ့ လွဲနေတယ်။ ဒါ သူကြီးက ကျုပ်တို့ကို သက်သက်နာမ်နှိမ်တာ” ဆိုပြီး တောခိုကာ တောထိုင်လေ၏။

နာရီကတော့ သူကြီးအိမ်တွင် ရှိနေသေးကြောင်း သူကြီး ပြောသမျှ ယုံကြည်ထားကြရင်းဖြင့် ရွာသားတို့မှာ သတင်းပလင်း တို့ကို နားစွင့်နေ ကြရသည် ဟူသတည်း။

ခရမ်းသစ်အိမ်
(Teen မဂ္ဂဇင်း၊ဖေဖေါ်ဝါရီလ ၂၀၁၂)